ദേശീയപാത വികസനം, കോവിഡ് ഭീഷണി തുടങ്ങിയവ ചര്ച്ചയായി
ന്യൂഡല്ഹി: മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി.പ്രധാനമന്ത്രിയുടെ ഓഫീസിലായിരുന്നു കൂടിക്കാഴ്ച. ദേശീയപാത വികസനത്തിന് സംസ്ഥാന സര്ക്കാര് നടത്തിവരുന്ന പ്രവര്ത്തനങ്ങളും ഇടപെടലുകളും മുഖ്യമന്ത്രി പ്രധാനമന്ത്രിയെ ധരിപ്പിച്ചു.കോവിഡ് പ്രതിരോധിക്കുന്നതിന് കേരളം നടത്തി വരുന്ന മുന്നൊരുക്കങ്ങളും പരാമര്ശ വിഷയമായി. കേന്ദ്രസംസ്ഥാന പദ്ധതികള് വേഗത്തില് പൂര്ത്തിയാക്കുന്നതിന് പ്രവര്ത്തനങ്ങള് ഊര്ജ്ജിതപ്പെടുത്തും. ജല് ജീവന് മിഷനും വിവിധ നാഷണല് ഹൈവേ പദ്ധതികളും ഇതരപദ്ധതികളും വേഗത്തില് പൂര്ത്തിയാക്കുന്നത് സംബന്ധിച്ചും ചര്ച്ച ചെയ്തു.ഇരുവരും പരസ്പരം നവവത്സരാശംസകള് നേര്ന്നു. മുഖ്യമന്ത്രി പ്രധാനമന്ത്രിയെ പൊന്നാടയണിയിച്ച് ആശംസ അറിയിച്ചു. കേരളത്തിന്റെ കഥകളി ശില്പ്പം സമ്മാനമായി നല്കി. ചീഫ് സെക്രട്ടറി വി. പി. ജോയിയും കൂടിക്കാഴ്ചയില് പങ്കെടുത്തു.