നീരവ് മോദിയുടെ ഹര്‍ജി ബ്രിട്ടിഷ് കോടതി തള്ളി,

ന്യൂഡല്‍ഹി: പതിനായിരം കോടിയിലേറെ രൂപയുടെ വായ്പാ തട്ടിപ്പ് നടത്തി ഇന്ത്യവിട്ട വ്യവസായി നീരവ് മോദിയെ ഇന്ത്യയ്ക്ക് കൈമാറാന്‍ ബ്രിട്ടീഷ് കോടതി ഉത്തരവ്.തന്നെ ഇന്ത്യയ്ക്ക് കൈമാറരുതെന്ന് ആവശ്യപ്പെട്ട് നീരവ് നല്‍കിയ ഹര്‍ജി ബ്രിട്ടീഷ് കോടതി തള്ളി.ഇയാളെ ഇന്ത്യയ്ക്ക് കൈമാറുന്നതാണ് ശരിയെന്ന് കോടതി ചൂണ്ടിക്കാട്ടി. ഉടന്‍തന്നെ ലണ്ടനിലെ ജയിലില്‍ കഴിയുന്ന നീരവിനെ ഇന്ത്യയ്ക്ക് കൈമാറിയേക്കും.

Continue Reading

ഇമ്രാന്‍ഖാന് വെടിയേറ്റു

ഇസ്ലാമാബാദ്: മുന്‍ പാകിസ്ഥാന്‍ പ്രധാനമന്ത്രി ഇമ്രാന്‍ഖാന് വെടിയേറ്റു. ഗു ഞ്ചന്‍വാലി പ്രവിശ്യയില്‍ റാലിയെ അഭിസംബോധന ചെയ്യവെയായിരുന്നു ഇമ്രാനുനേരെ ആക്രമണം. അജ്ഞാതന്‍റെ വെടിവെപ്പില്‍ ഇമ്രാന്‍റെ സഹപ്രവര്‍ത്തകരടക്കം അഞ്ച് പേര്‍ക്കും പരുക്കുണ്ട്.ഇമ്രാന്‍ഖാന് കാലിലാണ് വെടിയേറ്റത്. അദ്ദേഹത്തെ ഉടന്‍ ഇസ്ലാമാബാദിലെ ആശുപത്രിയലേക്ക് മാറ്റി. എകെ 47 തോക്ക് ഉപയോഗിച്ചാണ് വെടിയുതിര്‍ത്തതെന്നാണ് വിവരം.ആരുടെയും നില ഗുരുതരമല്ല. ഇമ്രാന്‍ ഖാന്‍റെ പാര്‍ട്ടിയുടെ നേതൃത്വത്തില്‍ ഇസ്ലാമാബാദിലേക്കുള്ള റാലിക്കിടെയാണ് ആക്രമണമുണ്ടായത്.

Continue Reading

ഇന്ത്യന്‍ വംശജന്‍ ഋഷി സുനക് ബ്രിട്ടന്‍ പ്രധാനമന്ത്രിയാകും

ലണ്ടന്‍: എതിരാളി പെന്നി മോര്‍ഡൗണ്ടും പിന്മാറിയതോടെ, ഋഷി സുനക് ബ്രിട്ടീഷ് പ്രധാനമന്ത്രിയാകും. ഇന്ത്യ ദീപാവലി ദിനം ആഘോഷിക്കവേയാണ് ‘ദ ഗ്രേറ്റ് ബ്രിട്ടന്‍റെ’ പ്രഥമ പൗരനാകാന്‍ ഇന്ത്യന്‍ വംശജനായ ഋഷി സുനക് ഒരുങ്ങുന്നത്.ഇന്ത്യന്‍ വംശജനായ ആദ്യത്തെ ബ്രിട്ടീഷ് പ്രധാനമന്ത്രി കൂടിയാവും അദ്ദേഹം. ഒക്ടോബര്‍ 28നാണ് ഋഷി സുനക് അധികാരമേല്‍ക്കുക.100 എം.പിമാരുടെ പിന്തുണ നേടാനാകാതെ പോയതോടെയാണ്, മത്സരിക്കാന്‍ ഒരുങ്ങിയ പെന്നി മോര്‍ഡൗണ്ട് പിന്മാറുന്നത്.

Continue Reading

ബ്രിട്ടീഷ് പ്രധാനമന്ത്രി ലിസ്ട്രസ് രാജിവെച്ചു

ലണ്ടന്‍: ബ്രിട്ടീഷ് പ്രധാനമന്ത്രി ലിസ്ട്രസ് രാജിവച്ചു. അധികാരമേറ്റ് നാല്‍പ്പത്തിനാലാം ദിനമാണ് രാജി. പ്രധാനമന്ത്രിയായി അധികാരമേറ്റതിനു പിന്നാലെ നടപ്പാക്കിയ സാമ്പത്തിക നയങ്ങള്‍ക്കെതിരെ ഉയര്‍ന്ന വിമര്‍ശനങ്ങളുടെ പിന്നാലെയാണ് രാജി പ്രഖ്യാപിച്ചത്.കഴിഞ്ഞ കുറച്ചു മാസങ്ങളായി കടുത്ത സാമ്പത്തിക പ്രതിസന്ധിയിലാണ് ബ്രിട്ടണ്‍.ജനാഭിലാഷം പാലിക്കാനായില്ലെന്നും പിന്‍ഗാമിയെ തെരഞ്ഞെടുക്കുന്നതുവരെ സ്ഥാനത്ത് തുടരുമെന്നും ലിസ്ട്രസ് അറിയിച്ചു. പ്രഖ്യാപിത നയങ്ങളില്‍ നിന്ന് ലിസ്ട്രസ് വ്യതിചലിച്ചു എന്നാരോപിച്ചുകൊണ്ട് മന്ത്രിസഭയുടെ രാജിക്കുവേണ്ടിയുള്ള മുറവിളികള്‍ പ്രതിപക്ഷത്തുനിന്ന് തുടര്‍ച്ചയായിവന്നുകൊണ്ടിരിക്കുകയായിരുന്നു.

Continue Reading

രാജ്യത്ത് ജനന നിരക്ക് വര്‍ധിപ്പിക്കാന്‍ പുതിയ നയങ്ങള്‍ നടപ്പിലാക്കുമെന്ന് ഷി ജിന്‍പിങ്

ബീജിങ്: രാജ്യത്ത് ജനന നിരക്ക് വര്‍ധിപ്പിക്കാന്‍ പുതിയ നയങ്ങള്‍ നടപ്പിലാക്കുമെന്ന് ചൈനീസ് പ്രസിഡന്‍റ് ഷി ജിന്‍പിങ്.
ചൈനീസ് കമ്മ്യൂണിസ്റ്റ് പാര്‍ട്ടിയുടെ ഇരുപതാം പാര്‍ട്ടി കോണ്‍ഗ്രസിലാണ് ചൈനീസ് പ്രസിഡന്‍റിന്‍റെ പ്രഖ്യാപനം. ജനസംഖ്യയിലുണ്ടാവുന്ന ഇടിവ് രാജ്യത്തിന്‍റെ സാമ്ബത്തിക സ്ഥിതിയെ ദോഷകരമായി ബാധിക്കുമെന്ന് സാമ്ബത്തിക വിദഗ്ധര്‍ നേരത്തെ ചൂണ്ടിക്കാട്ടിയിരുന്നു.

Continue Reading

കൊവിഡ് വകഭേദങ്ങള്‍ ചൈനയില്‍ വ്യാപിക്കുന്നു

ലണ്ടന്‍ : കൊവിഡ് ഭീതിയില്‍ നിന്നും മുക്തമായി ലോകരാജ്യങ്ങള്‍ സാധാരണ നിലയിലേക്ക് മടങ്ങവേ, കൊവിഡിന്‍റെ ഈറ്റില്ലമായ ചൈനയില്‍ സ്ഥിതി ഒട്ടും ആശ്വാസകരമല്ല.ചൈനയിലെ പല പ്രവിശ്യകളിലും ഒമിക്രോണിന്‍റെ ഉപഭേദങ്ങളായ ബി എഫ് 7 ഉം ബി എ 5.1.7ഉം അതിവേഗത്തില്‍ പടരുകയാണ്.

Continue Reading

യുക്രൈന്‍ പ്രസിഡന്‍റ് സെലന്‍സ് കിക്ക് അപകടത്തില്‍ പരുക്കേറ്റു

കീവ് : യുക്രൈന്‍ പ്രസിഡന്‍റ് വ്ലാദിമിര്‍ സെലന്‍സ്കി സഞ്ചരിച്ച കാര്‍ അപകടത്തില്‍പ്പെട്ടു. വ്യാഴാഴ്ച തലസ്ഥാന നഗരമായ കീവില്‍ കൂടി സഞ്ചരിക്കവെയായിരുന്നു സംഭവം.അപകടത്തില്‍ സെലന്‍സ്കിയ്ക്ക് കാര്യമായ പരിക്കുകളൊന്നും ഇല്ലെന്ന് പ്രസിഡന്‍റിന്‍റെ വക്താവ് സെര്‍ജി വിക്കിഫെറോവ് കൂടി വ്യക്തമാക്കി.

Continue Reading

ബിട്ടനില്‍ പുതിയ കോവിഡ് വകഭേദം

ലണ്ടന്‍: ഒമൈക്രോണ്‍ വകഭേദത്തിന്‍റെ ഉപവകഭേദമായ ബിഎ.4.6 ബ്രിട്ടനിലും വ്യാപിക്കുന്നതായി സ്ഥിരീകരണം.യുഎസില്‍ അതിവേഗം വ്യാപിച്ചുകൊണ്ടിരുന്ന ബിഎ.4.6 ആണ് യുകെയിലും പടരുന്നത്.യുകെ ഹെല്‍ത്ത് സെക്യൂരിറ്റി ഏജന്‍സിയുടെ കണക്കനുസരിച്ച് ഓഗസ്റ്റ് മൂന്നാംവാരത്തില്‍ 3.3 ശതമാനം സാമ്പിളുകളും ബിഎ.4.6 ആണെന്ന് കണ്ടെത്തി. അതിനുശേഷം ഇത് 9 ശതമാനമായി ഉയര്‍ന്നു. യുഎസിലുടനീളമുള്ള സമീപകാല കേസുകളില്‍ 9 ശതമാനത്തിലധികം ബിഎ.4.6 ആണെന്നാണ് സെന്‍റര്‍ ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍റെ കണക്ക് വ്യക്തമാക്കുന്നത്.

Continue Reading

വീണ്ടും ആണവനിലയങ്ങള്‍ നിര്‍മിക്കാന്‍ ജപ്പാന്‍

ടോക്യോ: ഫുകുഷിമ ആണവനിലയ ദുരന്തത്തോടെ പിറകോട്ടുപോയ ആണവോര്‍ജ പദ്ധതികള്‍ പുനരുജ്ജീവിപ്പിക്കാന്‍ ജപ്പാന്‍. പുതിയ നിലയങ്ങള്‍ നിര്‍മിക്കുന്നത് രാജ്യം പരിഗണിക്കണമെന്ന് പ്രധാനമന്ത്രി ഫുമിയോ കുഷിദ പറഞ്ഞു.2011ലെ സൂനാമിയില്‍ ഫുകുഷിമ നിലയം വെള്ളത്തില്‍ മുങ്ങിയത് വന്‍ദുരന്തത്തില്‍ കലാശിച്ചിരുന്നു.
ആണവവികിരണത്തെ തുടര്‍ന്ന് പരിസരങ്ങളിലെ ഒന്നര ലക്ഷം പേരെ മാറ്റിപ്പാര്‍പ്പിച്ചു.

Continue Reading

തായ് വാന്‍ ദ്വീപിന് ചുറ്റും ചൈനയുടെ സൈനികാഭ്യാസം

തായ്പേയ്: തായ് വാന്‍ന് ചുറ്റും ചൈനയുടെ സൈനികാഭ്യാസം. തായ്വാന് വെറും 16 കിലോമീറ്റര്‍ അകലെ ആറു കേന്ദ്രങ്ങളില്‍ തുടങ്ങിയ സൈനികാഭ്യാസത്തില്‍ യുദ്ധവിമാനങ്ങളും മുങ്ങിക്കപ്പലുകളും അടക്കം വന്‍ സന്നാഹങ്ങള്‍ ആണ് പങ്കെടുക്കുന്നത്.അമേരിക്കയും ജിഏഴ് (ഏ7) രാജ്യങ്ങളും ചൈനയുടെ സൈനികാഭ്യാസത്തെ നിശിതമായ ഭാഷയില്‍ അപലപിച്ചു.

Continue Reading