ഭോപാല്‍:സ്ത്രീകള്‍ക്ക് സര്‍ക്കാര്‍ ജോലികളില്‍ 35% സംവരണം ഏര്‍പ്പെടുത്തി മധ്യപ്രദേശ് സര്‍ക്കാര്‍. മുഖ്യമന്ത്രി ശിവ്രാജ് സിംഗ് ചൗഹാന്‍ ഇതു സംബന്ധിച്ച പ്രഖ്യാപനവും നടത്തി. നേരിട്ടുള്ള റിക്രൂട്ട്മെന്‍റ് ഘട്ടത്തിലാണ് ഇത് ബാധകമാകുക. വനംവകുപ്പിലൊഴികെ മറ്റെല്ലാ സര്‍ക്കാര്‍ വകുപ്പുകളിലും പുതിയ ഉത്തരവ് ബാധകമാകുമെന്നാണ് റിപ്പോര്‍ട്ട്.
വനിതാക്ഷേമ പദ്ധതികളാണു വരാനിരിക്കുന്ന നിയമസഭാ തിരഞ്ഞെടുപ്പില്‍ സംസ്ഥാനത്തെ മുഖ്യ പ്രചരണായുധമായി ബി.ജെ.പി മുന്നോട്ടുവയ്ക്കുന്നത്.
സംസ്ഥാനത്തെ പൊലീസ് സേനയിലും 30% സംവരണം ഏര്‍പ്പെടുത്തിയിട്ടുണ്ട്. സ്ത്രീകളുടെ പേരിലാണ് വസ്തുവകകള്‍ റജിസറ്റര്‍ ചെയ്യുന്നത് എങ്കില്‍ ഇളവും സംസ്ഥാനം നല്‍കുന്നുണ്ട്. മുഖ്യമന്ത്രി കന്യാധാന്‍ യോജന എന്ന പേരില്‍ വിവാഹവുമായി ബന്ധപ്പെട്ട പദ്ധതിയും ബി.ജെ.പി സര്‍ക്കാര്‍ രൂപീകരിച്ചിട്ടുണ്ട്. അര്‍ഹരായ സ്ത്രീകള്‍ക്ക് 1250 രൂപ നല്‍കുന്ന ലാഡ്ലി ബെഹ്ന യോജന എന്ന പദ്ധതിയാണ് ഇക്കൂട്ടത്തില്‍ അവസാനത്തേത്.
Sunday, February 16, 2025