ന്യൂയോര്ക്ക് : അമേരിക്കന് ടെന്നീസ് ഇതിഹാസം സെറീന വില്യംസ് വിരമിക്കുന്നു. ഈ മാസം അവസാനം നടക്കുന്ന യുഎസ് ഓപ്പണിനുശേഷം നാല്പ്പതുകാരി കളമൊഴിയും.സെറീന തന്നെയാണ് ഇക്കാര്യം വ്യക്തമാക്കിയത്. ടെന്നീസിലെ എക്കാലത്തെയും മികച്ച താരങ്ങളിലൊരാളാണ് സെറീന. 23 ഗ്രാന്ഡ് സ്ലാം കിരീടങ്ങളുണ്ട്. മാര്ഗരെറ്റ് കോര്ട്ടിനെക്കാള് ഒരെണ്ണം മാത്രം കുറവ്.യുഎസ് ഓപ്പണില് ആറ് കിരീടങ്ങള് നേടിയിട്ടുണ്ട്. 1999ലായിരുന്നു ആദ്യ യുഎസ് ഓപ്പണ് കിരീടം. അവസാനമായി ഗ്രാന്ഡ്സ്ലാം കിരീടം നേടിയത് 2017ലായിരുന്നു. തുടര്ന്ന് പ്രസവത്തെ തുടര്ന്ന് കളത്തില്നിന്ന് വിട്ടുനിന്നു. പരിക്കും മറ്റ് ആരോഗ്യ പ്രശ്നങ്ങളും കാരണം സെറീനയ്ക്ക് കളത്തില് സജീവമാകാന് കഴിഞ്ഞില്ല. എങ്കിലും 2018ലും 2019ലുമായി നാല് തവണ ഫൈനലില് കടക്കാനായി.
Wednesday, January 22, 2025