തൃശൂര്: സഹകരണ മേഖലയിലെ ക്രമക്കേടുകള്ക്കെതിരെ ബി.ജെ.പി തൃശൂര് ജില്ലാ കമ്മറ്റി സംഘടിപ്പിക്കുന്ന സഹകാരി സംരക്ഷണ പദയാത്ര തുടങ്ങി. സുരേഷ് ഗോപി നയിക്കുന്ന പദയാത്ര ബി.ജെ.പി സംസ്ഥാന പ്രസിഡന്റ് കെ സുരേന്ദ്രന് ഫ്ളാഗ് ഓഫ് ചെയ്തു.
കരുവന്നൂര് ബാങ്ക് പരിസരത്ത് നിന്ന് ആരംഭിച്ച യാത്ര 18 കിലോമീറ്റര് സഞ്ചരിച്ച് തൃശൂര് സഹകരണ ബാങ്ക് പരിസരത്ത് സമാപനം.നിഷ്ഠൂരത നേരിട്ട പാവം നിക്ഷേപകര്ക്കുവേണ്ടിയാണ് പദയാത്ര നയിക്കുന്നതെന്ന് സുരേഷ് ഗോപി പറഞ്ഞു. ഒട്ടും ആവേശഭരിതനായിട്ടല്ല ഞാനിവിടെ നില്ക്കുന്നത്.
മാനുഷിക പരിഗണന മാത്രമാണ് ഇവിടെ എത്തിച്ചത്. പാവങ്ങളുടെ ചോരപ്പണം തിരികെ കൊടുക്കും വരെ സഹകരണ ബാങ്കുകള് നിലനില്ക്കണം. പൂട്ടാന് സമ്മതിക്കില്ല. ഒരു ശുദ്ധീകരണം നടത്തേണ്ടിയിരിക്കുന്നു. മനുഷ്യന് വേണ്ടിയാണ് ഈ പദയാത്ര. പാവങ്ങളുടെ കൂടെ നിന്നുകൊണ്ടുള്ള രാഷ്ട്രപ്രവര്ത്തനമാണിതെന്നും സുരേഷ് ഗോപി പറഞ്ഞു. പദയാത്ര കരുവന്നൂരില് മാത്രം ഒതുങ്ങിനില്ക്കുന്നതല്ലെന്നും കണ്ണൂരിലേക്കും മാവേലിക്കരയിലേക്കും മലപ്പുറത്തേക്കുമൊപ്പം തുടരുന്നതിനുള്ള തീനാളമാണിതെന്നും സുരേഷ് ഗോപി പറഞ്ഞു.
