തിരുവനന്തപുരം:കേരളത്തിന്റെ അതീവഗുരുതരമായ സാമ്പത്തിക പ്രതിസന്ധിയുടെ വ്യക്തമായ ചിത്രം ജനങ്ങള് അടിയന്തരമായി അറിയേണ്ടതുണ്ടെന്ന് കെ.പി.സി.സി പ്രസിഡന്റ് കെ.സുധാകരന് എംപി. സാമ്പത്തിക പ്രതിസന്ധിയില് പിണറായി വിജയനും നിര്മല സീതാരാമനും പരസ്പരം പഴിചാരുന്ന പശ്ചാത്തലത്തില് നിജസ്ഥിതി കണ്ടെത്താന് സംസ്ഥാന സര്ക്കാര് അടിയന്തരമായി ധവളപത്രം പുറപ്പെടുവിക്കണം.ജനങ്ങള്ക്ക് നല്കുന്ന ആനുകൂല്യങ്ങള് ഒരു സര്ക്കാരിന്റേയും സൗജന്യമല്ല.
അതീവ ഗുരുതരമായ സാമ്പത്തിക സാഹചര്യത്തിലേക്ക് കേരളം കൂപ്പുകുത്തിയെന്ന പ്രചാരണത്തിലെ നെല്ലും പതിരും തിരിച്ചറിയാന് ധവളപത്രം അനിവാര്യമാണെന്നും കെ. സുധാകരന് ചൂണ്ടിക്കാട്ടി.സാമ്പത്തിക പ്രതിസന്ധിയുടെ പേരു പറഞ്ഞ് ജനങ്ങളുടെ ആനുകൂല്യങ്ങളാണ് നിഷേധിക്കുന്നത്.
ക്ഷേമ പെന്ഷന് നല്കാന് മാത്രമായി പെട്രോളിയം ഉല്പ്പന്നങ്ങള്ക്ക് രണ്ട് രൂപ സെസ് ഏര്പ്പെടുത്തി പിരിച്ച ശതകോടികള് എവിടെപ്പോയി ഈ തുക 27 കോടിയുടെ കേരളീയം പരിപാടിക്കും കോടികളുടെ നവകേരള സദസിനുമൊക്കെ വകമാറ്റിയിട്ടുണ്ടോ എന്ന് ധവളപത്രത്തിലൂടെ അറിയാന് കഴിയും.