തിരുവനന്തപുരം : ഷെല് കമ്പനികളുടെ മറവിലെ ജിഎസ്ടി വെട്ടിപ്പ് പിടികൂടാന് ജിഎസ്ടി വകുപ്പിന്റെ സംസ്ഥാന വ്യാപക പരിശോധന. ആക്രി, സ്റ്റീല് വ്യാപാര സ്ഥാപനങ്ങള് കേന്ദ്രീകരിച്ച് ഓപ്പറേഷന് പാം ട്രീ എന്ന പേരിലാണ് റെയ്ഡ്. കോഴിക്കോട്, പാലക്കാട്, മലപ്പുറം, എറണാകുളം എന്നിങ്ങനെ ഏഴ് ജില്ലകളിലെ 100ലധികം ഇടങ്ങളില് ഇന്നലെ പുലര്ച്ചെ മുതല് പരിശോധന നടക്കുന്നുണ്ട്. അര്ഹതയില്ലാത്ത ജിഎസ്ടി ക്രെഡിറ്റ് കിട്ടാനായി ഷെല് കമ്പനികളുണ്ടാക്കി, വ്യാജ ബില്ലുകള് നിര്മിച്ച് നികുതി വെട്ടിച്ചെന്നാണ് കണ്ടെത്തല്. 1000 കോടി രൂപയുടെ നികുതി വെട്ടിപ്പുണ്ടെന്നാണ് പ്രാഥമിക നിഗമനം. 300ഓളം ഉദ്യോഗസ്ഥരുടെ നേതൃത്വത്തിലാണ് പരിശോധന.
Wednesday, January 22, 2025