വ്യാപിക്കുന്നത് ഒമിക്രോണ് വകഭേദം
തിരുവനന്തപുരം: സംസ്ഥാനത്ത് കോവിഡ് കേസുകളില് വന് വര്ദ്ധന. ഇന്നലെ 765 പേര്ക്ക് രോഗബാധ സ്ഥിരീകരിച്ചു. ഒരു മാസത്തിനിടെ 20 പേര് കോവിഡ് ബാധിച്ച് മരിച്ചെന്ന കണക്കും സംസ്ഥാന ആരോഗ്യവകുപ്പ് സ്ഥിരീകരിച്ചു. ഒമിക്രോണ് വകഭേദമാണ് വ്യാപിക്കുന്നതെന്ന് വ്യക്തമായി.
പ്രതിരോധം ശക്തമാക്കാന് ആരോഗ്യവകുപ്പ് നിര്ദ്ദേശം നല്കി. ആര്സിസി, മലബാര് കാന്സര് സെന്റര്, ശ്രീചിത്ര ആശുപത്രി, സ്വകാര്യ ആശുപത്രികള് എന്നിവ കോവിഡ് രോഗികള്ക്ക് പ്രത്യേകം കിടക്ക മാറ്റിവെക്കണമെന്ന് ആരോഗ്യ വകുപ്പ് ആവശ്യപ്പെട്ടിട്ടുണ്ട്. കേസുകള് പ്രത്യേകം റിപോര്ട്ട് ചെയ്യാനും ആശുപത്രികള്ക്ക് നിര്ദേശം നല്കി. ജീവിതശൈലി രോഗം ഉളളവര്, ഗര്ഭിണികള്, പ്രായമായവര് , കുട്ടികളും ലക്ഷണം കണ്ടാല് പരിശോധിക്കണമെന്ന് ആവശ്യപ്പെട്ടിട്ടുണ്ട്.