തിരുവനന്തപുരം: സംസ്ഥാനത്തെ ഡ്രൈവിംഗ് ടെസ്റ്റുകള് പരിഷ്ക്കരിക്കാന് തീരുമാനം. മന്ത്രി കെ.ബി. ഗണേഷ് കുമാറിന്റെ പ്രത്യേക താത്പര്യപ്രകാരമാണ് ഡ്രൈവിംഗ് ടെസ്റ്റും ലേണേഴ്സ് ടെസ്റ്റും പരിഷ്കരിക്കുന്നത്. താരതമ്യേന എളുപ്പമാണ് നിലവില് ഡ്രൈവിംഗ് ടെസ്റ്റ് എന്നതും അപകടങ്ങള് വര്ധിക്കുന്നതിന് കാരണം ഡ്രൈവിംഗില് മികവില്ലാത്തതുമാണെന്ന നിഗമനത്തിലാണ് മന്ത്രി പരിഷ്കാരങ്ങള്ക്ക് നിര്ദ്ദേശം നല്കിയത്.
പരിഷ്കാരം സംബന്ധിച്ച നിര്ദ്ദേശങ്ങള് സമര്പ്പിക്കുന്നതിനായി ഗതാഗത വകുപ്പ് പത്തംഗ കമ്മീഷനെ നിയമിച്ചു. സീനിയര് ഡപ്യൂട്ടി ട്രാന്സ്പോര്ട്ട് കമീഷണര് അധ്യക്ഷനായാണ് പുതിയ സമിതി. ഇവരോട് ഒരാഴ്ചക്കുള്ളില് നിര്ദ്ദേശങ്ങള് സംബന്ധിച്ച് റിപ്പോര്ട്ട് സമര്പ്പിക്കാനാണ് ആവശ്യപ്പെട്ടിരിക്കുന്നത്. ഗതാഗത മന്ത്രിയായി ചുമതലയേറ്റ ശേഷം വലിയ പരിഷ്കാരങ്ങള്ക്കാണ് മന്ത്രിയുടെ നീക്കം.
കെ.എസ്.ആര്.ടി.സി ജീവനക്കാര്ക്ക് ശമ്പളം കൃത്യമായി കൊടുക്കാന് പദ്ധതി തയ്യാറാക്കുന്നുണ്ടെന്നും പദ്ധതി പ്രാവര്ത്തികമായാല് മൂന്ന് മാസത്തിനകം ശമ്പള പ്രതിസന്ധി പരിഹരിക്കാന് കഴിയുമെന്നും കെബി ഗണേഷ് കുമാര് കഴിഞ്ഞ ദിവസം പറഞ്ഞിരുന്നു.
Monday, January 20, 2025