.ചെന്നൈ – കോട്ടയം റൂട്ടിലാണ് വന്ദേഭാരത്
തിരുവനന്തപുരം: ശബരിമല സ്പെഷ്യല് വന്ദേ ഭാരത് അനുവദിച്ചു. ചെന്നൈ – കോട്ടയം റൂട്ടിലാണ് വന്ദേഭാരത് അനുവദിച്ചിരിക്കുന്നത്. 15-ാംതീയതി മുതല് വന്ദേ ഭാരത് ട്രെയിന് സര്വീസ് ആരംഭിക്കും. 24 വരെയുള്ള സര്വീസാണ് പ്രഖ്യാപിച്ചിരിക്കുന്നത്. ചെന്നൈയില് നിന്ന് രാവിലെ 8.30 ന് പുറപ്പെടുന്ന വന്ദേഭാരത് രാത്രി 7.20ന് കോട്ടയത്തെത്തും. കോട്ടയത്ത് നിന്ന് രാത്രി ഒമ്പത് മണിക്ക് ട്രെയിന് പുറപ്പെടും. നാല് ദിവസത്തെ സ്പെഷ്യല് സര്വീസാണ് പ്രഖ്യാപിച്ചത്. ശബരിമലയിലേക്കുള്ള തിരക്ക് കണക്കിലെടുത്താണ് സ്പെഷ്യല് സര്വീസ് അനുവദിച്ചിരിക്കുന്നത്.