വിധവ പെന്‍ഷന്‍ ലഭിക്കുന്നില്ല; മറിയക്കുട്ടി ഹൈക്കോടതിയില്‍

Top News

കൊച്ചി: ക്ഷേമ പെന്‍ഷന്‍ കിട്ടാത്തതിനെ തുടര്‍ന്നു ഭിക്ഷ യാചിക്കാന്‍ മണ്‍ചട്ടിയുമായി ഇറങ്ങി ശ്രദ്ധ നേടിയ എണ്‍പത്തേഴുകാരി ഇടുക്കി ഇരുനൂറേക്കര്‍ സ്വദേശിനി മറിയക്കുട്ടി ഹൈക്കോടതിയില്‍ ഹര്‍ജി നല്‍കി. അഞ്ചു മാസമായി വിധവ പെന്‍ഷന്‍ ലഭിക്കുന്നില്ലെന്ന് ചൂണ്ടിക്കാട്ടിയാണ് ഹര്‍ജി. മരുന്ന് ഉള്‍പ്പെടെയുള്ള ആവശ്യസാധനങ്ങള്‍ വാങ്ങുന്നതിനായി ബുദ്ധിമുട്ടുകയാണെന്നും ഹര്‍ജിയില്‍ ചൂണ്ടിക്കാട്ടി.
“ജൂലായിലെ പെന്‍ഷനാണ് ഇതുവരെ ലഭിച്ചത്. മാസാമാസം ലഭിക്കുന്ന 1,600 രൂപയില്‍നിന്നാണ് മരുന്നുള്‍പ്പെടെയുള്ള ആവശ്യസാധനങ്ങള്‍ വാങ്ങിയിരുന്നത്. പെന്‍ഷന്‍ മുടങ്ങിയതിനാല്‍ ജീവിതം വഴിമുട്ടിയ അവസ്ഥയിലാണ്. മൂന്നു മക്കളാണുള്ളത്. അവര്‍ പല സ്ഥലങ്ങിലാണ് താമസം. പെന്‍ഷന്‍ തുകയില്‍ നിന്നാണ് ചെലവുകള്‍ നടന്നിരുന്നത്. കേന്ദ്ര വിഹിതം മുടങ്ങിയതാണ് പെന്‍ഷന്‍ കിട്ടുന്നതിനുള്ള തടസ്സമെന്നാണ് അറിയുന്നത്.അത് മുടക്കമുണ്ടെങ്കില്‍ കുടിശ്ശിക തുക സംസ്ഥാനത്തിന് നല്‍കുന്നതിനായി നിര്‍ദേശിക്കണം. പെന്‍ഷന്‍ കൃത്യമായി ലഭിക്കുന്നതിനായി ഇടപെടല്‍ വേണം” മറിയക്കുട്ടി ഹര്‍ജിയില്‍ ആവശ്യപ്പെട്ടു. ഹര്‍ജി ഹൈക്കോടതി വ്യാഴാഴ്ച പരിഗണിക്കും. വിഷയത്തില്‍ സര്‍ക്കാരിന്‍റെയും അടിമാലി പഞ്ചായത്തിന്‍റെയും വിശദീകരണം കോടതി തേടി.

Leave a Reply

Your email address will not be published. Required fields are marked *