ലോക് അദാലത്ത് :15748 കേസുകള്‍ തീര്‍പ്പായി

Top News

കോഴിക്കോട് :ജില്ലാ ലീഗല്‍ സര്‍വീസസ് അതോറിറ്റിയുടെയും താലൂക്ക് ലീഗല്‍ സര്‍വീസസ് കമ്മിറ്റികളുടെയും നേതൃത്വത്തില്‍ ജില്ലയിലെ വിവിധ കോടതികളില്‍ നടത്തിയ നാഷനല്‍ ലോക് അദാലത്തില്‍ നിലവിലെ കേസുകളും പുതിയ പരാതികളുമായി 15748 കേസുകള്‍ തീര്‍പ്പു കല്‍പ്പിച്ചു.
മൊത്തം 83560324 രൂപ വിവിധ കേസുകളില്‍ നഷ്ടപരിപരിഹാരം നല്‍കാന്‍ ഉത്തരവായി. 19749 കേസുകള്‍ പരിഗണനയ്ക്ക് വന്നു. ജില്ലാ കോടതി സമുച്ചയത്തിലും കൊയിലാണ്ടി, വടകര, കുന്നമംഗലം, താമരശ്ശേരി കോടതികളിലുമായി നടന്ന അദാലത്തുകളില്‍ സിവില്‍ കേസുകള്‍, വാഹനാപകട കേസുകള്‍ ,ഭൂമി ഏറ്റെടുക്കല്‍ കേസുകള്‍, കുടുംബ തര്‍ക്കങ്ങള്‍, ഒത്തുതീര്‍പ്പാക്കാവുന്ന ക്രിമിനല്‍ കേസുകള്‍,ബാങ്ക് വായ്പ സംബന്ധമായ കേസുകള്‍ തുടങ്ങിയവ പരിഗണിച്ചു. ജില്ലയിലെ മജിസ്ട്രേറ്റ് കോടതികളിലും അദാലത്തിന്‍റെ ഭാഗമായി സ്പെഷ്യല്‍ സിറ്റിങ്ങുകള്‍ നടത്തി. ജില്ലാ ലീഗല്‍ സര്‍വീസ് അതോറിറ്റി ചെയര്‍മാന്‍ കൂടിയായ ജില്ലാ ജഡ്ജി സി. പ്രദീപ് കുമാര്‍ ന നേതൃത്വം നല്‍കി.കോഴിക്കോട് താലൂക്ക് സര്‍വീസ് കമ്മിറ്റി ചെയര്‍മാനും ഫസ്റ്റ് അഡീഷണല്‍ ജില്ലാ ജഡ്ജിയുമായ പി.മോഹന കൃഷ്ണന്‍, വടകര താലൂക്ക് ലീഗല്‍ സര്‍വീസ് കമ്മിറ്റി ചെയര്‍മാനും എം.എ.സി.ടി ജഡ്ജിയുമായ കെ.രാമകൃഷ്ണന്‍, കൊയിലാണ്ടി താലൂക്ക് ലീഗല്‍ സര്‍വീസ് കമ്മിറ്റി ചെയര്‍മാനും സ്പെഷ്യല്‍ ജഡ്ജിയുമായ ( ഫാസ്റ്റ് ട്രാക്ക് സ്പെഷ്യല്‍ കോടതി) എം. സുഹൈബ്,കോഴിക്കോട് ജില്ലാ ലീഗല്‍ സര്‍വീസസ് അതോറിറ്റി സെക്രട്ടറിയും സബ് ജഡ്ജിയുമായ എം. പി.ഷൈജല്‍ എന്നിവര്‍ അദാലത്ത് പ്രവര്‍ത്തനങ്ങള്‍ ഏകോപിപ്പിച്ചു.

Leave a Reply

Your email address will not be published. Required fields are marked *