ജയ്പൂര്‍ :രാജസ്ഥാനിലെ റെയില്‍വെ ട്രാക്കില്‍ പടക്കങ്ങള്‍ കൂട്ടിയിട്ട് കത്തിച്ച യൂട്യൂബറെ തേടി റെയില്‍വെ പ്രൊട്ടക്ഷന്‍ ഫോഴ്സ്. രാജസ്ഥാനിലെ ഫുലേര അജ്മീര്‍ പ്രദേശത്തെ ദന്ത്രാ സ്റ്റേഷന് സമീപമാണ് സംഭവം. വിഡിയോ സോഷ്യല്‍ മീഡിയയില്‍ വൈറലായതോടെയാണ് ആര്‍ പി എഫ് ഇക്കാര്യം ശ്രദ്ധിച്ചതും ദൃശ്യത്തിലെ ആളെ അന്വേഷണം ആരംഭിച്ചതും.
ട്രാക്കിന്‍റെ മധ്യത്തില്‍ വച്ച് പടക്കത്തിന് തീ കൊടുത്തു. തുടര്‍ന്ന് കനത്ത പുക ഉയര്‍ന്നു. പാമ്പിന്‍റെ രൂപത്തിലായിരുന്നു ചാരം. ആ വിഡിയോയിലുള്ള യുവാവ് ആരാണെന്ന് പൊലീസ് തെരയുകയാണ്.
ആക്റ്റിലെ സെക്ഷന്‍ 145, 147 പ്രകാരം ട്രാക്കുകളിലും പ്ലാറ്റ്ഫോമുകളിലും ചിത്രീകരിക്കുന്നത് കര്‍ശനമായി നിരോധിച്ചിട്ടുണ്ട്. ഈ നിയമം ലംഘിച്ചാല്‍ 1000 രൂപ പിഴയോ ആറ് മാസം വരെ തടവോ ലഭിക്കും.
Friday, February 07, 2025