അയോധ്യ: രാമക്ഷേത്രത്തില് വിഗ്രഹ പ്രതിഷ്ഠക്ക് ഒരുങ്ങി അയോധ്യ. ഇന്ന് ഉച്ചയ്ക്ക് 12.20 നാണ് പ്രതിഷ്ഠാ ചടങ്ങ്.അയോധ്യയിലെ രാമക്ഷേത്രത്തില് വിഗ്രഹപ്രതിഷ്ഠക്ക് മുന്നോടിയായുള്ള ചടങ്ങുകള് തുടരുകയാണ്. അധിവാസ, കലശപൂജകള് നടന്നു. വാരണാസിയില് നിന്നുള്ള ആചാര്യന് ലക്ഷ്മികാന്ത് ദീക്ഷിതാണ് ചടങ്ങുകള്ക്ക് നേതൃത്വം നല്കുന്നത്. പ്രതിഷ്ഠ ചടങ്ങുകളില് പങ്കെടുക്കാനായി പ്രധാനമന്ത്രി ഇന്ന് രാവിലെ പത്തരയോടെ അയോധ്യയിലെത്തും. പ്രതിഷ്ഠാ ചടങ്ങിന് മുന്നോടിയായി വിപുലമായ ഒരുക്കങ്ങളാണ് അയോധ്യയില് നടത്തിയിട്ടുള്ളത്. ഉച്ചയ്ക്ക് 12.05 മുതല് പ്രധാനമന്ത്രി പ്രതിഷ്ഠാ ചടങ്ങില് പങ്കെടുക്കും. തുടര്ന്ന് പൊതുചടങ്ങിനെ അഭിസംബോധന ചെയ്യും. പ്രതിഷ്ഠാ ചടങ്ങിന്റെ ഭാഗമായി 50ലധികം സംഗീതോപകരണങ്ങള് അണിനിരത്തിയുള്ള സംഗീതാര്ച്ചന മംഗളധ്വനി നടക്കും. 18 സംസ്ഥാനങ്ങളില് നിന്നുള്ള കലാകാരന്മാര് രണ്ട് മണിക്കൂര് നീളുന്ന അര്ച്ചനയില് പങ്കെടുക്കുമെന്ന് ക്ഷേത്ര ട്രസ്റ്റ് അറിയിച്ചു
