രാജ്യത്ത് 157 പേര്‍ക്ക് ജെഎന്‍1, രോഗബാധ സ്ഥിരീകരിച്ചുന്‍

ന്യൂഡല്‍ഹി : കൊവിഡിന്‍റെ പുതിയ വകഭേദമായ ജെ.എന്‍1 രാജ്യത്ത് 157 പേരില്‍ സ്ഥിരീകരിച്ചു. ഏറ്റവും കൂടുതല്‍ പേര്‍ കേരളത്തിലാണ്.
78 പേര്‍ക്കാണ് കേരളത്തില്‍ രോഗബാധ. നിലവില്‍ ഒന്‍പത് സംസ്ഥാനങ്ങളിലാണ് രോഗികളുള്ളത്. കേന്ദ്ര ആരോഗ്യമന്ത്രാലയമാണ് ഇതുസംബന്ധിച്ച കണക്കുകള്‍ പുറത്തുവിട്ടത്.
ഗുജറാത്താണ് രോഗികളുടെ എണ്ണത്തില്‍ രണ്ടാമത്. 34 പേര്‍ക്കാണ് രോഗം. ഗോവ (18), കര്‍ണാടക (8), മഹാരാഷ്ട്ര( 7), രാജസ്ഥാന്‍ (5), തമിഴ്നാട് (4), തെലങ്കാന (2), ഡല്‍ഹി (1) എന്നിങ്ങനെയാണ് മറ്റ് സംസ്ഥാനങ്ങളിലെ കണക്ക്. നിലവിലെ 157 കേസുകളില്‍ 141 എണ്ണവും ഡിസംബര്‍ മാസത്തിലാണ് സ്ഥിരീകരിച്ചത്. നവംബറില്‍ 16 കേസുകളാണ് സ്ഥിരീകരിച്ചത്.