ലഖ്നോ: യു.പിയില് കൊലപാതകക്കേസില് പിടികിട്ടാപ്പുള്ളിയായ അനില് ദുജാന മീററ്റില് ഏറ്റുമുട്ടലില് കൊല്ലപ്പെട്ടു.യു.പി പ്രത്യേക ടാസ്ക് ഫോഴ്സ് (എസ്.ടി.എഫ് ) ആണ് അനില് ദുജാനയെ വെടിവെച്ചു കൊന്നത്. 60 ഓളം ക്രിമിനല് കേസുകളാണ് ദുജാനയുടെ പേരിലുള്ളത്.
ഒരു കൊലപാതകക്കേസില് ജാമ്യം കിട്ടിയതിനെ തുടര്ന്ന് ഒരാഴ്ച മുമ്പാണ് ദുജാന പുറത്തിറങ്ങിയത്. പുറത്തിറങ്ങിയ ഉടന് കേസിലെ ദൃക്സാക്ഷിയെ കൊല്ലുമെന്ന് ഭീഷണിപ്പെടുത്തുകയാണ് ചെയ്തതെന്നാണ് റിപ്പോര്ട്ട്. തുടര്ന്ന് എസ്.ടി.എഫ് അറസ്റ്റ് ചെയ്യുകയായിരുന്നു. അറസ്റ്റ് ചെയ്യാനെത്തിയ പൊലീസുമായുണ്ടായ ഏറ്റവുമുട്ടലിനെ തുടര്ന്നുണ്ടായ വെടിവെപ്പിലാണ് ദുജാന കൊല്ലപ്പെട്ടത്.മീററ്റിലെ ഉള്ഗ്രാമത്തിലായിരുന്നു ഏറ്റുമുട്ടല് നടന്നത്. ഇവിടെ ഒളിച്ചിരുന്ന ദുജാനയും സംഘവും പൊലീസിനു നേരെ വെടിയുതിര്ക്കുകയായിരുന്നു. പൊലീസും ഉടന് തിരിച്ചു വെടി വെക്കുകയായിരുന്നു.
