കീവ്: റഷ്യന് അധിനിവേശത്തിനിടെ യുക്രെയിനില് അകപ്പെട്ടുപോയ തന്നെ രക്ഷിച്ച ഇന്ത്യന് എംബസിക്കും പ്രധാനമന്ത്രക്കും നന്ദിയറിയിച്ച് പാകിസ്ഥാന് വിദ്യാര്ത്ഥിനി.അസ്മ ഷഫീക്ക് എന്ന പെണ്ക്കുട്ടിയെയും സുഹൃത്തുക്കളെയുമാണ് കീവിലെ ഇന്ത്യന് എംബസി യുദ്ധഭൂമിയില് നിന്നും രക്ഷപ്പെടുത്തിയത്.തങ്ങളെ രക്ഷിച്ചതിന് പാകിസ്ഥാനി പെണ്കുട്ടി ഇന്ത്യന് പ്രധാനമന്ത്രി നരേന്ദ്ര മോദിയ്ക്കും ഇന്ത്യന് എംബസിക്കും നന്ദി പറയുന്ന വീഡിയോ ഇപ്പോള് സമൂഹ മാദ്ധ്യമങ്ങളില് വൈറലാവുകയാണ്. ‘പ്രതിസന്ധിഘട്ടത്തില് അകപ്പെട്ട ഞങ്ങളെ സഹായിച്ചതിന് ഇന്ത്യന് എംബസിക്ക് നന്ദി, ഇന്ത്യന് പ്രധാനമന്ത്രിക്കും നന്ദി, സുരക്ഷിതമായി നാട്ടിലെത്താനാകുമെന്ന് പ്രതീക്ഷിക്കുന്നു.’ അസ്മ വീഡിയോയില് പറഞ്ഞു.യുക്രെയ്നില് നിന്ന് സ്വന്തം നാട്ടിലെ പൗരന്മാരെ രക്ഷിക്കാന് ഇന്ത്യയായിരുന്നു തുടക്കം മുതല് മുന്പന്തിയില് ഉണ്ടായിരുന്നത്.
പാകിസ്ഥാന് ഉള്പ്പെടെയുള്ള ചില രാജ്യങ്ങള് സ്വന്തം പൗരന്മാരെ കൈയൊഴിഞ്ഞപ്പോള് പ്രധാനമന്ത്രി നരേന്ദ്ര മോദിയുടെ നേതൃത്വത്തില് കേന്ദ്രസര്ക്കാര് രക്ഷാദൗത്യം ഓരോ ദിനവും ഊര്ജിതമാക്കി. നേരത്തെ പാകിസ്ഥാന്, തുര്ക്കി രാജ്യങ്ങളിലെ വിദ്യാര്ത്ഥികള് ഇന്ത്യയുടെ പതാക ഉപയോഗിച്ച് യുക്രെയ്നില് നിന്ന് രക്ഷപ്പെടാന് ശ്രമിച്ചതായി റിപ്പോര്ട്ടുകളുണ്ടായിരുന്നു. “ഭാരത് മാതാ കീ ജയ് ” വിളിച്ചായിരുന്നു ഇവര് സഞ്ചരിച്ചത്. പലായനം ചെയ്യുന്ന ഇന്ത്യന് വിദ്യാര്ത്ഥികള് സുരക്ഷ ഉറപ്പാക്കാനായി വാഹനങ്ങളില് ദേശീയ പതാക വയ്ക്കണമെന്ന് കേന്ദ്ര മന്ത്രി ജി കിഷന് റെഡി പറഞ്ഞിരുന്നു. ഇതേ മാര്ഗമാണ് പാകിസ്ഥാന്, തുര്ക്കി വിദ്യാര്ത്ഥികളും പരീക്ഷിച്ചത്.
