. പ്രതി പിടിയില്
മൂവാറ്റുപുഴ : മൂവാറ്റുപുഴ ജനറല് ആശുപത്രിയില് യുവതിയെ കുത്തിക്കൊന്നു. മൂവാറ്റുപുഴ നിരപ്പ് സ്വദേശിനി സിംന ഷക്കീറാണ് കൊല്ലപ്പെട്ടത്. പ്രതി പുന്നമറ്റം സ്വദേശി ഷാഹുല് അലിയെ പൊലീസ് പിടികൂടി. ഇന്നലെ വെകിട്ട് മൂന്നു മണിയോടെയാണ് സംഭവം. സ്ത്രീകളുടെയും കുട്ടികളുടെയും പുതിയ വാര്ഡ് കെട്ടിടത്തില് വെച്ചാണ് ആക്രമണമുണ്ടായത്.
സിംനയുടെ പിതാവ് ജനറല് ആശുപത്രിയില് ചികിത്സയില് കഴിയുകയാണ്. ഇദ്ദേഹത്തെ കാണാന് എത്തിയതായിരുന്നു സിംന. ഈ സമയത്ത് ഇവിടെയെത്തിയ പ്രതി കയ്യില് കരുതിയിരുന്ന കത്തി ഉപയോഗിച്ച് സിംനയുടെ കഴുത്തിലും പുറത്തും കുത്തുകയായിരുന്നു. എന്ത് വൈരാഗ്യത്തിന്റെ പേരിലാണ് ആക്രമണമുണ്ടായതെന്നതില് വ്യക്തതയില്ല. ഇരുവരും വിവാഹിതരാണ്. നേരത്തെ അയല്വാസികളായിരുന്നു. ആക്രമണത്തിന് പിന്നാലെ പ്രതി ബൈക്കില് കയറി രക്ഷപ്പെട്ടു. പിന്നാലെയെത്തിയ പൊലീസ് ഇയാളെ ബസ് സ്റ്റാന്റില് വച്ച് പിടികൂടി.