ന്യൂഡല്ഹി: മുന് തൃണമൂല് കോണ്ഗ്രസ് എംപി മഹുവ മൊയ്ത്രയുടെ ഹര്ജിയില് ലോക്സഭാ സെക്രട്ടറിയേറ്റിന്റെ മറുപടി തേടി സുപ്രീം കോടതി. മാര്ച്ച് 11 ലേക്ക് ഹര്ജി മാറ്റി. പാര്ലമെന്റില് നിന്ന് പുറത്താക്കിയതിനെതിരെയാണ് മഹുവ മൊയ്ത്ര ഹര്ജി നല്കിയത്. ജസ്റ്റിസുമാരായ സഞ്ജീവ് ഖന്ന, എസ്. വി.ഭാട്ടി എന്നിവരടങ്ങുന്ന ബെഞ്ചാണ് ഹര്ജി പരിഗണിക്കുന്നത്. ചോദ്യത്തിന് കോഴ ആരോപണത്തിലാണ് ലോക്സഭയില് നിന്നും മഹുവ അയോഗ്യയാക്കപ്പെട്ടത്.
ചോദ്യത്തിന് കോഴ വാങ്ങിയതിന് തെളിവില്ലെന്നായിരുന്നു മഹുവ ഉന്നയിക്കുന്ന പ്രധാന വാദം. കാര്യങ്ങള് പറയാന് എത്തിക്സ് കമ്മിറ്റി അവസരം നല്കിയില്ലെന്നും, സ്വാഭാവിക നീതി നിഷേധിക്കപ്പെട്ടുവെന്നും ചൂണ്ടിക്കാട്ടിയാണ് മഹുവ നിയമപോരാട്ടത്തിന് ഇറങ്ങിയിരിക്കുന്നത്.
Thursday, January 23, 2025