മഹാരാജാസ് കോളജ് എസ്.എഫ്.ഐ യൂണിറ്റ് സെക്രട്ടറി മുഹമ്മദ് യഹിയ മുങ്ങിമരിച്ചു

Latest News

തൃശൂര്‍ : പീച്ചി ഡാമിന്‍റെ റിസര്‍വോയറില്‍ സുഹൃത്തുക്കള്‍ക്കൊപ്പം കുളിക്കാനിറങ്ങി കാണാതായ യുവാവിന്‍റെ മൃതദേഹം ഇന്നലെ രാവിലെ കണ്ടെത്തി. മലപ്പുറം സ്വദേശിയും എറണാകുളം മഹാരാജാസ് കോളജ് എസ്.എഫ്.ഐ യൂണിറ്റ് സെക്രട്ടറിയുമായ മുഹമ്മദ് യഹിയ ആണ് മുങ്ങിമരിച്ചത്.
കൂട്ടുകാര്‍ക്കൊപ്പം പീച്ചിയിലെ കേരള വന ഗവേഷണ കേന്ദ്രത്തില്‍ (കെഎഫ്ആര്‍ഐ) ഇന്‍റേണ്‍ഷിപ്പിന് എത്തിയതായിരുന്നു. മഹാരാജാസിലെ എംഎസ്സി ബോട്ടണി വിദ്യാര്‍ത്ഥിയാണ്. ബുധനാഴ്ച വൈകിട്ട് കുളിക്കാനായി നാല് സുഹൃത്തുക്കള്‍ക്കൊപ്പം റിസര്‍വോയറില്‍ ഇറങ്ങിയപ്പോഴായിരുന്നു അപകടം സംഭവിച്ചത്. വെള്ളത്തില്‍ ഇറങ്ങിയ യഹിയ മുങ്ങിപോവുകയായിരുന്നു. കൂട്ടുകാര്‍ക്ക് യഹിയയെ രക്ഷിക്കാനായില്ല.
യഹിയ മുങ്ങിയതറിഞ്ഞ് ഉടന്‍ സമീപത്തുണ്ടായിരുന്ന നാട്ടുകാരില്‍ ചിലര്‍ രക്ഷിക്കാന്‍ ശ്രമം നടത്തി. എന്നാല്‍ ഇരുട്ടായതോടെ ശ്രമം ഉപേക്ഷിച്ചു.
പിന്നീട് പീച്ചി പൊലീസും ചാലക്കുടി, പുതുക്കാട്, തൃശൂര്‍ എന്നിവിടങ്ങളില്‍ നിന്നുള്ള അഗ്നിരക്ഷാ സേനാംഗങ്ങളും രാത്രി തെരച്ചില്‍ നടത്തി. വനം ഉദ്യോഗസ്ഥരും വാച്ചര്‍മാരും മത്സ്യബന്ധന തൊഴിലാളികളും സ്കൂബ ടീമും നാട്ടുകാരും തെരച്ചിലില്‍ പങ്കെടുത്തു. ഏറെ നേരത്തെ തെരച്ചിലിനൊടുവില്‍ ഇന്നലെ രാവിലെയാണ് മൃതദേഹം കണ്ടെടുത്തത്.

Leave a Reply

Your email address will not be published. Required fields are marked *