ഇസ്ലാമാബാദ് : മതസ്വാതന്ത്ര്യ നിഷേധം ഏറ്റവും കൂടുതല്‍ നടക്കുന്ന രാജ്യങ്ങളുടെ പട്ടികയില്‍ ചൈനയേയും പാകിസ്ഥാനേയും ഉള്‍പ്പെടുത്തി അമേരിക്ക.ഈ രാജ്യങ്ങളെ ഇറാന്‍, ഉത്തര കൊറിയ, മ്യാന്‍മര്‍ എന്നീ രാജ്യങ്ങളെയും പട്ടികയില്‍ ഉള്‍പ്പെടുത്തിയിട്ടുണ്ട്.
മതസ്വാതന്ത്ര്യം നിഷേധിക്കുന്നതില്‍ ആശങ്കപ്പെടേണ്ട രാജ്യങ്ങളാണിതെല്ലാമെന്ന് യു.എസ് സ്റ്റേറ്റ് സെക്രട്ടറി ആന്‍റണി ബ്ലിങ്കണ്‍ അറിയിച്ചു. അള്‍ജീരിയ, നിക്കാരഗ്വ, കൊമോര്‍സ്, ക്യൂബ, എന്നീ രാജ്യങ്ങളെ കടുത്ത മതസ്വാതന്ത്ര്യ ലംഘനങ്ങള്‍ നടക്കുന്ന രാജ്യങ്ങളുടെ പട്ടികയിലാണ് അമേരിക്ക ഉള്‍പ്പെടുത്തിയിരിക്കുന്നത്. ഈ രാജ്യങ്ങളില്‍ ന്യൂനപക്ഷങ്ങള്‍ കൊടിയ പീഡനങ്ങളാണ് നേരിടുന്നതെന്ന് ബ്ലിങ്കണ്‍ കൂട്ടിച്ചേര്‍ത്തു.
ഭീകര സംഘടനകളായ അല്‍ ഷബാബാ, ബൊക്കോ ഹറാം,ഇസ്ലാമിക് സ്റ്റേറ്റ്, ഇസ്ലാമിക് സ്റ്റേറ്റ് ഗ്രേറ്റര്‍ സഹാറ, ഇസ്ലാമിക് സ്റ്റേറ്റ് വെസ്റ്റ് ആഫ്രിക്ക, ഹൂതി, തുടങ്ങിയ സംഘടനകളെ പ്രത്യേകം കരുതല്‍ വേണ്ട സംഘടനകളുടെ പട്ടികയില്‍ അമേരിക്ക ഉള്‍പ്പെടുത്തി. മതസ്വാതന്ത്ര്യം മൗലികാവകാശമാണെന്നും അതിനാല്‍ മത സ്വാതന്ത്ര്യം ഉറപ്പുവരുത്തുന്നതിനുള്ള നിയമ നിര്‍മ്മാണത്തിനായി എല്ലാ രാജ്യങ്ങളിലും അമേരിക്ക സമ്മര്‍ദ്ദം ചെലുത്തുമെന്നും ബ്ലിങ്കണ്‍ പറഞ്ഞു.
Monday, September 25, 2023