മണ്ണിടിഞ്ഞ് മൂന്ന് തൊഴിലാളികള്‍ മരിച്ചു

കൊച്ചി: പിറവത്ത് മണ്ണിടിഞ്ഞ് മൂന്ന് ഇതര സംസ്ഥാന തൊഴിലാളികള്‍ മരിച്ചു. പിറവം പേപ്പതിയിലാണ് അപകടം ഉണ്ടായത്. കെട്ടിട നിര്‍മ്മാണത്തിന് മണ്ണ് നീക്കുന്നതിനിടെയാണ് അപകടം സംഭവിച്ചത്. മൂന്ന് നില കെട്ടിടം നിര്‍മ്മിക്കാനായി മണ്ണ് മാറ്റുകയായിരുന്നു തൊഴിലാളികള്‍. ഗൗര്‍, സുബ്രധോ, സുകുമാര്‍ ഘോഷ് എന്നിവരാണ് അപകടത്തില്‍ മരിച്ചത്. മൂന്ന് പേരും പശ്ചിമ ബംഗാള്‍ സ്വദേശികളാണ്. എട്ട് തൊഴിലാളികളാണ് അപകട സമയത്ത് സ്ഥലത്ത് ഉണ്ടായിരുന്നത്. ഇതില്‍ മൂന്ന് പേര്‍ മണ്ണിനടിയില്‍പ്പെടുകയായിരുന്നു.