ന്യൂഡല്ഹി:ഭീകരവാദത്തിനെതിരെ ഇരട്ട നിലപാട് പാടില്ലെന്ന് പാക്കിസ്ഥാനെ വിമര്ശിച്ചുകൊണ്ട് പ്രധാനമന്ത്രി നരേന്ദ്ര മോദി. ഷാങ്ഹായ് കോഓപ്പറേഷന് ഓര്ഗനൈസേഷന് (എസ്സിഒ) സമ്മേളനത്തില്, പാക്ക് പ്രധാനമന്ത്രി ഷഹബാസ് ഷരീഫിന്റെ സാന്നിധ്യത്തിലാണ് വിമര്ശനം ഉന്നയിച്ചത്.
ഇന്ത്യന് പ്രധാനമന്ത്രി നരേന്ദ്ര മോദി, പാക്കിസ്ഥാന് പ്രധാനമന്ത്രി ഷഹബാസ് ഷരീഫ്, ചൈനീസ് പ്രസിഡന്റ് ഷി ചിന്പിങ്, റഷ്യന് പ്രസിഡന്റ് വ്ളാഡിമിര് പുട്ടിന് എന്നിവര് ഓണ്ലൈനായി ചേര്ന്ന യോഗത്തിലാണു പരാമര്ശം.
പ്രാദേശികമായും ആഗോളതലത്തിലും ഭീകരവാദം സമാധാനത്തിനു വന് ഭീഷണിയാണുണ്ടാക്കുന്നതെന്ന് മോദി പറഞ്ഞു. ഭീകരവാദത്തിനെതിരായ പോരാട്ടത്തില് ഇരട്ടനിലപാട് പാടില്ല. രാജ്യാതിര്ത്തി കടന്നുള്ള ഭീകരവാദത്തിനു തടയിടാന് സാധിക്കണം. ഭീകരര്ക്കെതിരെയുള്ള പോരാട്ടം ശക്തമാക്കാന് കൂടുതല് സഹകരണം ആവശ്യമാണ്.
പല രാജ്യങ്ങളിലും ഭക്ഷണത്തിനും ഇന്ധനത്തിനും ക്ഷാമം നേരിടുന്നുണ്ട്. അഫ്ഗാനിസ്ഥാനിലെ സ്ഥിതി ആശങ്കാജനകമാണ്. യൂറേഷ്യയില് സമാധാനവും സമൃദ്ധിയും ഉറപ്പാക്കണം. എസ്സിഒയില് ഇറാന് കൂടി ചേരുന്നതില് സന്തോഷമുണ്ട്” മോദി പറഞ്ഞു.