തിരുവനന്തപുരം: സംസ്ഥാനത്തെ ഭക്ഷ്യ സുരക്ഷാ പരിശോധനകള് കര്ശനമായി തുടരുമെന്ന് ആരോഗ്യമന്ത്രി വീണാ ജോര്ജ്.പരിശോധനകള് നിര്ത്തില്ല. സംഭവങ്ങളുടെ അടിസ്ഥാനത്തില് മാത്രമാകില്ല പരിശോധനകള്. അത് നിരന്തരം ഉണ്ടാകുമെന്നും വീണാ ജോര്ജ് പറഞ്ഞു.ഭക്ഷ്യ സുരക്ഷയ്ക്കായുള്ള കലണ്ടര് പരിഷ്ക്കരിച്ചു. പൊതുജനങ്ങള്ക്ക് പരാതികള് ഫോട്ടോ ഉള്പ്പെടെ അപ് ലോഡ് ചെയ്യാനുള്ള സൗകര്യമുണ്ടാകും. പൊതുജനങ്ങളുടെ പരാതികളനുസരിച്ചുള്ള പരിശോധനകളും തുടരുമെന്നും മന്ത്രി വ്യക്തമാക്കി.സംസ്ഥാനത്ത് കൂടുതല് ഭക്ഷ്യ സുരക്ഷാ ലാബുകള് ആരംഭിക്കുന്നതാണ്. നിലവില് 14 ജില്ലകളിലും മൊബൈല് ഭക്ഷ്യ സുരക്ഷാ ലാബുകളുണ്ട്. മൂന്ന് ജില്ലകളില് റീജിയണല് ലാബുകളുണ്ട്.
