ബിബിസി മുംബൈ ഓഫീസില്‍ പരിശോധന അവസാനിച്ചു

Top News

മുംബൈ: മുംബൈയിലെ ബിബിസി ഓഫീസില്‍ ആദായനികുതി വകുപ്പ് മൂന്ന് ദിവസമായി നടത്തിവന്ന പരിശോധന അവസാനിപ്പിച്ചു. ഇന്നലെ രാത്രി എട്ടുമണിയോടെയാണ് ഉദ്യോഗസ്ഥര്‍ മുംബൈയിലെ കലീനയിലുള്ള ബിബിസി സ്റ്റുഡിയോസിന്‍റെ ഓഫീസില്‍ നിന്ന് മടങ്ങിയത്.
അക്കൗണ്ട്സ് വിഭാഗത്തിന്‍റെ കംപ്യൂട്ടറുകളുടെ ഡിജിറ്റല്‍ പകര്‍പ്പ് ഉദ്യോഗസ്ഥര്‍ ശേഖരിച്ചു. ജീവനക്കാരില്‍ നിന്ന് നേരിട്ടും വിവരങ്ങള്‍ രേഖപ്പെടുത്തി. പരിശോധന നടക്കുന്നതിനാല്‍ മൂന്ന് ദിവസമായി ഭൂരിഭാഗം ജീവനക്കാരും വര്‍ക്ക് ഫ്രം ഹോം രീതിയിലായിരുന്നു പ്രവര്‍ത്തിച്ചിരുന്നത്. മുംബൈയിലെ പരിശോധന അവസാനിച്ചെങ്കിലും ഡല്‍ഹിയിലെ ബിബിസി ഓഫീസില്‍ പരിശോധന തുടരുകയാണ്. ഇന്ന് പരിശോധനയെക്കുറിച്ചുള്ള വാര്‍ത്താക്കുറിപ്പ് ആദായ നികുതി വകുപ്പ് പുറത്തിറക്കിയേക്കും.

Leave a Reply

Your email address will not be published. Required fields are marked *