ബഹ്മപുരം: കോര്‍പറേഷനില്‍ പ്ലാസ്റ്റിക് മാലിന്യനീക്കം പുനരാരംഭിച്ചു

കൊച്ചി: ബ്രഹ്മപുരം തീപിടിത്തത്തിന് ശേഷം കൊച്ചി കോര്‍പറേഷനില്‍ പ്ലാസ്റ്റിക് മാലിന്യനീക്കം പുനരാരംഭിച്ചു.
തേവര ഡിവിഷനില്‍ അജൈവ മാലിന്യ നീക്കം കൗണ്‍സിലര്‍ പി.ആര്‍ അനീഷ് ഉദ്ഘാടനം ചെയ്തു. ക്ലീന്‍ കേരള കമ്പനിയാണ് പ്ലാസ്റ്റിക് ഉള്‍പ്പെടെയുള്ള അജൈവ മാലിന്യം സംഭരിക്കുന്നത്.
വഴിയരികില്‍ കൂടിക്കിടക്കുന്ന പ്ലാസ്റ്റിക് മാലിന്യമാണ് ക്ലീന്‍ കേരള കമ്പനിക്ക് കൈമാറുന്നത്. ബ്രഹ്മപുരം തീപിടിത്തത്തിന് ശേഷം വീടുകളില്‍ നിന്നുള്ള പ്ലാസ്റ്റിക് മാലിന്യനീക്കം ഇതുവരെ പുനസ്ഥാപിച്ചിട്ടില്ല. രണ്ടാംഘട്ടമായി ഇത് നടപ്പാക്കാനാണ് തീരുമാനം.