തിരുവനന്തപുരം: ഇന്ത്യന് ബഹിരാകാശ ഗവേഷണ ചരിത്രത്തിലെ സമുജ്ജ്വലമായ അധ്യായമാണ് ചന്ദ്രയാന് മൂന്നിന്റെ വിജയകരമായ സോഫ്റ്റ് ലാന്ഡിംഗെന്ന് മുഖ്യമന്ത്രി പിണറായി വിജയന്.
ചന്ദ്രന് ചുറ്റും ഒരു മാസത്തിലേറെ നീണ്ട ഭ്രമണത്തിന് ശേഷമാണ് ചന്ദ്രയാന് മൂന്ന് സോഫ്റ്റ് ലാന്ഡ് ചെയ്തത്. ഇതോടെ രാജ്യത്തിന്റെ മൂന്നാം ചാന്ദ്ര പര്യവേഷണ ദൗത്യം അതിന്റെ പ്രധാനപ്പെട്ട ആദ്യ കടമ്പകടന്നിരിക്കുകയാണ്.ഇന്ത്യയുടെ ശാസ്ത്ര സാങ്കേതിക രംഗത്തെ ഗവേഷണ, പര്യവേക്ഷണങ്ങള്ക്ക് വലിയ ഊര്ജം പകരുന്നതാണ് ഈ നേട്ടം. ഉന്നതമായ ശാസ്ത്രബോധമുള്ള ഒരു സമൂഹത്തിനു മാത്രമേ സര്വതല സ്പര്ശിയായ പുരോഗതി സാധ്യമാവുകയുള്ളു. ഈ നേട്ടത്തിനായി പ്രവര്ത്തിച്ച എല്ലാവര്ക്കും അഭിനന്ദനങ്ങള്.ഐഎസ്ആര്ഒ ചെയര്മാന് ഡോ. എസ് സോമനാഥ് ഉള്പ്പെടെ ഒരുകൂട്ടം മലയാളികളും ഇതിന് പിന്നിലുണ്ടെ ന്നത് ലോകത്തുള്ള എല്ലാ കേരളീയര്ക്കും ഏറെ അഭിമാനകരമായ കാര്യമാണ്. ബഹിരാകാശ രംഗത്ത് കൂടുതല് നേട്ടങ്ങള് കൈവരിക്കാന് ഐഎസ്ആര്ഒയ്ക്ക് കഴിയട്ടെ എന്ന് മുഖ്യമന്ത്രി ആശംസിച്ചു.
