പൊലീസ് സ്റ്റേഷന്‍ പരിസരത്ത് റീല്‍ ചിത്രീകരണം; യുവാക്കള്‍ അറസ്റ്റില്‍

Top News

ലക്നൗ:ഉത്തര്‍പ്രദേശിലെ ഗോണ്ടയിലെ വസീര്‍ഗഞ്ച് പൊലീസ് സ്റ്റേഷന്‍റെ പരിസരത്ത് വീഡിയോ റീല്‍ ചിത്രീകരിച്ചതിന് രണ്ട് പേരെ അറസ്റ്റ് ചെയ്തു. പൊലീസ് സ്റ്റേഷന്‍ പശ്ചാത്തലം ആക്കി റീല്‍ ചിത്രീകരിച്ചതിനാണ് ഇരുവരെയും അറസ്റ്റ് ചെയ്തതെന്ന് പൊലീസ് പറഞ്ഞു.
യുവാക്കളുടെ അറസ്റ്റുമായി ബന്ധപ്പെട്ട വിവരങ്ങള്‍ പൊലീസ് തന്നെയാണ് പുറത്തുവിട്ടത്. തങ്ങളുടെ ഔദ്യോഗിക എക്സ് പ്ലാറ്റ്ഫോമിലൂടെ ആയിരുന്നു പൊലീസ് അറസ്റ്റുമായി ബന്ധപ്പെട്ട കാര്യങ്ങള്‍ വിശദീകരിച്ചത്. പൊലീസ് ഉദ്യോഗസ്ഥരുടെ ജോലിയെ തടസ്സപ്പെടുത്തുന്ന രീതിയില്‍ വീഡിയോ ചിത്രീകരിച്ചതിന് രണ്ട് യുവാക്കളെ അറസ്റ്റ് ചെയ്തു എന്നായിരുന്നു പോസ്റ്റ്.
ഉത്തര്‍പ്രദേശിലെ വസീര്‍ഗഞ്ച് പൊലീസ് സ്റ്റേഷനിലാണ് സംഭവം. യുവാക്കള്‍ ചിത്രീകരിക്കാന്‍ ശ്രമിച്ച വീഡിയോയുടെ ആദ്യഭാഗവും പൊലീസ് സോഷ്യല്‍ മീഡിയയില്‍ പങ്കുവെച്ചിരുന്നു. ഈ വീഡിയോയില്‍ പൊലീസ് സ്റ്റേഷന്‍ പശ്ചാത്തലം ആക്കി ഒരു യുവാവ് സെല്‍ഫി ക്യാമറ പിടിച്ചുനില്‍ക്കുന്നതും മറ്റൊരാള്‍ അയാള്‍ക്ക് അരികിലേക്ക് നടന്നുവരുന്നതുമാണ് ചിത്രീകരിച്ചിരിക്കുന്നത്.

Leave a Reply

Your email address will not be published. Required fields are marked *