തൃശൂര്: പൊലീസിന്റെ പൊതുജനങ്ങളോടുള്ള പെരുമാറ്റം മെച്ചപ്പെടുത്തണമെന്ന് ഓര്മിപ്പിച്ച് മുഖ്യമന്ത്രി പിണറായി വിജയന്.പൊതുജനങ്ങളോട് അടുത്ത് ഇടപഴകുന്ന സര്ക്കാര് സംവിധാനമാണ് പൊലീസ്. ആ നിലയില് സൂക്ഷ്മതയോടെ വിലയിരുത്തപ്പെടുന്ന വിഭാഗമാണ് . നിങ്ങളുടെ തികച്ചും സുതാര്യമായ പ്രവര്ത്തനമാണ് ഉണ്ടാകേണ്ടത്. ആരോടാണ് ചങ്ങാത്തം കൂടേണ്ടതെന്നും ആരോടാണ് ചങ്ങാത്തം കൂടെണ്ടാത്തതെന്നും തികഞ്ഞ ജാഗ്രത പാലിച്ചിരിക്കണം. പരാതികളുമായി സ്റ്റേഷനില് എത്തുന്നവര്ക്ക് തങ്ങളുടെ പരാതിക്ക് പരിഹാരമായി എന്ന ആത്മവിശ്വാസത്തോടെ തിരികെ പോകാന് കഴിയണം. മുഖ്യമന്ത്രി പറഞ്ഞു.തൃശൂര് പൊലീസ് അക്കാദമിയില് നടന്ന പാസിംഗ് ഔട്ട് പരേഡില് അഭിസംബോധന ചെയ്യുകയായിരുന്നു മുഖ്യമന്ത്രി.
പരിശീലനം പൂര്ത്തിയാക്കിയ 448 പോലീസ് സേനാംഗങ്ങളുടെ പാസിംഗ് ഔട്ട് പരേഡില് മുഖ്യമന്ത്രി പിണറായി വിജയന് അഭിവാദ്യം സ്വീകരിച്ചു. തൃശ്ശൂരിലെ കേരള പോലീസ് അക്കാദമിയില് ഇന്നലെ വൈകിട്ട് നടന്ന ചടങ്ങില് കേരള ആംഡ് വനിതാ പോലീസ് ബറ്റാലിയനിലെ 290 വനിതകളും കെ.എ.പി അഞ്ചാം ബറ്റാലിയനിലെ 158 പുരുഷന്മാരുമാണ് സത്യപ്രതിജ്ഞ ചെയ്ത് സേനയുടെ ഭാഗമായത്.
Wednesday, January 22, 2025