ന്യൂഡല്‍ഹി: പാര്‍ലമെന്‍റിന് മുന്നിലെ ഗാന്ധി പ്രതിമക്ക് സമീപം പ്രതിപക്ഷ എം.പിമാരുടെ പ്രതിഷേധം തുടങ്ങി.രാജ്യസഭയില്‍ നിന്ന് സസ്പെന്‍റ് ചെയ്യപ്പെട്ട 12 എം.പിമാര്‍ സത്യഗ്രഹം നടത്തും.
മാപ്പു പറഞ്ഞുകൊണ്ട് പാര്‍ലമെന്‍റിലേക്ക് തിരിച്ചു കയറില്ലെന്ന് പ്രഖ്യാപിച്ചാണ് പ്രതിപക്ഷ എം.പിമാര്‍ സമരം നടത്തുന്നത്.കഴിഞ്ഞ സമ്മേളനത്തില്‍ സഭയില്‍ അച്ചടക്കം ലംഘിച്ചുവെന്ന് കാണിച്ച് 12 എം.പിമാരെയാണ് രാജ്യസഭയില്‍ നിന്ന് സസ്പെന്‍റ് ചെയ്യപ്പെട്ടത്. കേരളത്തില്‍ നിന്നുള്ള ബിനോയ് വിശ്വം, എളമരം കരീം എന്നിവരുള്‍പ്പെടെയുള്ളവരാണ് സസ്പെന്‍റ് ചെയ്യപ്പെട്ടത്.സസ്പെന്‍റ് ചെയ്യപ്പെട്ട എം.പിമാര്‍ മാപ്പു പറഞ്ഞ് തിരികെ പാര്‍ലമെന്‍റിലേക്ക് കയറില്ലെന്ന് പ്രഖ്യാപിച്ചാണ് പ്രതിപക്ഷം സമരം നടത്തുന്നത്. രാഹുല്‍ ഗാന്ധിയടക്കമുള്ള പ്രതിപക്ഷ നേതാക്കള്‍ സമരത്തിനെത്തുന്നുണ്ട്. രാജ്യസഭ അധ്യക്ഷന്‍െറ ജനാധിപത്യവിരുദ്ധ നടപടിക്കെതിരെ കോടതിയില്‍ പോയാലും മാപ്പുപറയില്ലെന്ന് സസ്പെന്‍ഷനിലായ എം.പിമാര്‍ പറഞ്ഞു. 12 എം.പിമാരും ബുധനാഴ്ച മുതല്‍ സമ്മേളനം തീരുംവരെ പാര്‍ലമെന്‍റിലെ ഗാന്ധിപ്രതിമക്ക് മുന്നില്‍ ധര്‍ണ നടത്തും.
Wednesday, February 12, 2025