പവര്‍കട്ടില്‍ തിങ്കളാഴ്ച തീരുമാനം

Top News

തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധി രൂക്ഷമെന്ന് സര്‍ക്കാരിനോട് കെഎസ്ഇബി. പ്രതിസന്ധി പരിഹരിക്കുന്നതിന് കൂടുതല്‍ വൈദ്യുതി വാങ്ങുന്നതടക്കമുള്ള കാര്യങ്ങള്‍ ഇന്നലെചേര്‍ന്ന ബോര്‍ഡ് യോഗം ചര്‍ച്ച ചെയ്തു.
കൂടിയ വിലയ്ക്ക് വൈദ്യുതി വാങ്ങാനും ഇതിനാവശ്യമായ പണം കണ്ടെത്തുന്നതടക്കമുള്ള കാര്യങ്ങളില്‍ തത്വത്തില്‍ ധാരണയായെങ്കിലും പവര്‍കട്ട് ഏര്‍പ്പെടുത്തേണ്ടതുണ്ടോയെന്ന കാര്യത്തില്‍ തീരുമാനമായില്ല. സംസ്ഥാനം നേരിടുന്ന ഗുരുതര വൈദ്യുതി പ്രതിസന്ധിയില്‍ എന്ത് നടപടി സ്വീകരിക്കാമെന്നതു സംബന്ധിച്ച വിശദമായ റിപ്പോര്‍ട്ട് തിങ്കളാഴ്ച നല്‍കാന്‍ കെഎസ്ഇബി ചെയര്‍മാന് വൈദ്യുതി മന്ത്രി കെ. കൃഷ്ണന്‍കുട്ടി നിര്‍ദേശം നല്‍കി.
വിഷയം ചര്‍ച്ച ചെയ്യുന്നതിനായി തിങ്കളാഴ്ച വീണ്ടും യോഗം ചേരും. പവര്‍കട്ട് ഏര്‍പ്പെടുത്തേണ്ടതുണ്ടോ എന്ന കാര്യത്തില്‍ തിങ്കളാഴ്ച അന്തിമ തീരുമാനം വരും.
ഡാമുകളില്‍ മതിയായ വെള്ളമില്ലാത്തതിനെ തുടര്‍ന്ന് ആഭ്യന്തര ഉത്പാദനം കുറഞ്ഞതോടെ കടുത്ത പ്രതിസന്ധിയിലേക്കാണ് കേരളം നീങ്ങുന്നത്. സംഭരണ ശേഷിയുടെ 30 ശതമാനത്തോളം വെള്ളം മാത്രമാണ് സംസ്ഥാനത്തെ ഡാമുകളില്‍ ശേഷിക്കുന്നത്. കഴിഞ്ഞ വര്‍ഷം ഇതേ സമയത്ത് എണ്‍പത് ശതമാനത്തോളം വെള്ളമുണ്ടായിരുന്നു.

Leave a Reply

Your email address will not be published. Required fields are marked *