തെഹ്റാന്: ഇസ്രായേല് പ്രധാനമന്ത്രി ബിന്യമിന് നെതന്യാഹുവിന്റെ ക്രിമിനല് രാഷ്ട്രീയ ജീവിതം അവസാനത്തോട് അടുക്കുകയാണെന്ന് ഇറാന് വിദേശകാര്യ മന്ത്രി ഹുസൈന് അമീര് അബ്ദുല്ലഹിയാന്.ഇസ്രായേല് പ്രധാനമന്ത്രി ഉടന് അധികാരത്തില് നിന്ന് പുറത്താകുമെന്നും ഗസ്സ യുദ്ധം അതോടെ അവസാനിക്കുമെന്നും അദ്ദേഹം പറഞ്ഞു. നയതന്ത്രം ഈ പാതയില് മുന്നേറുകയാണെന്നും അമീര് സൂചിപ്പിച്ചു.
ജോര്ദാനിലെ യു.എസ് താവളത്തിന് നേരെയുണ്ടായ ഡ്രോണ് ആക്രമണത്തിന് ശേഷം ഇറാന് -യു.എസ് സംഘര്ഷാവസ്ഥ മൂര്ച്ഛിച്ചിട്ടുണ്ട്. ഇറാഖിലെ ഇസ്ലാമിക് റെസിസ്റ്റന്സ് എന്നറിയപ്പെടുന്ന സംഘമാണ് ഞായറാഴ്ച ഡ്രോണ് ആക്രമണത്തില് മൂന്ന് യുഎസ് സൈനികരെ കൊലപ്പെടുത്തിയത്. ഡസന് കണക്കിന് സൈനികര്ക്ക് പരിക്കേല്ക്കുകയും ചെയ്തിരുന്നു. ഇറാനാണ് ആക്രമണത്തിന് പിന്നിലെന്നാണ് അമേരിക്ക ആരോപിക്കുന്നത്. ഇതിന് തിരിച്ചടി നല്കാന് അറിയാമെന്നും പ്രതികരിക്കുമെന്നും യു.എസ് പ്രസിഡന്റ് ബൈഡന് ഇന്നലെ പറഞ്ഞിരുന്നു.
Wednesday, January 22, 2025