ന്യൂഡല്ഹി: കേന്ദ്ര, ഉപരിതല ഗതാഗത, ഹൈവേ മന്ത്രി നിതിന് ഗഡ്കരിക്ക് വീണ്ടും ഭീഷണി. ഡല്ഹിയിലെ മോത്തിലാല് നെഹ്റു റോഡിലുള്ള ഔദ്യോഗിക വസതിയുടെ ലാന്ഡ്ലൈന് നമ്പറിലേക്ക് വിളിച്ചാണ് അജ്ഞാതന് ഭീഷണി മുഴക്കിയതെന്ന് പൊലീസ് പറഞ്ഞു.തിങ്കളാഴ്ച രാത്രിയാരുന്നു സംഭവം. ഓഫീസിലെ ജീവനക്കാരില് ഒരാളാണ് ഫോണെടുത്തത്. വിളിച്ചയാള് മന്ത്രിയോട് സംസാരിക്കണമെന്നും അദ്ദേഹത്തെ ഭീഷണിപ്പെടുത്തണമെന്നും പറഞ്ഞു. ഹിന്ദിയിലാണ് സംസാരിച്ചത്. മന്ത്രിയെ ഭീഷണിപ്പെടുത്തണമെന്ന് പറഞ്ഞ ശേഷം ഇയാള് കോള് കട്ട് ചെയ്യുകയും ചെയ്തു.പൊലീസ് വിശദമായ അന്വേഷണം നടത്തി വരികയാണ്. മുന്പും ഗഡ്കരിക്ക് ഇത്തരം ഭീഷണി സന്ദേശങ്ങള് എത്തിയിട്ടുണ്ട്. നാഗ്പൂരിലെ മന്ത്രിയുടെ ഓഫീസിലേക്ക് ഈ വര്ഷം ആദ്യം രണ്ട് ഭീഷണി കോളുകള് വന്നിരുന്നു. ദേശീയ അന്വേഷണ ഏജന്സി (എന്ഐഎ) മേയ് 9ന് നാഗ്പൂരില് പോയി ഇത് സംബന്ധിച്ച് അന്വേഷണം നടത്തിയിരുന്നു. കൊലക്കേസ് പ്രതി ജയേഷ് പൂജാരി എന്ന കാന്തയാണ് ഫോണ് വിളിച്ചതെന്ന് പോലീസ് കണ്ടെത്തിയിരുന്നു.
