പൂഞ്ച്: ജമ്മു കശ്മീരിലെ പൂഞ്ച് ജില്ലയില് നാഷണല് കോണ്ഫറന്സ് റോഡ് ഷോയ്ക്കിടെ അജ്ഞാതരായ അക്രമികള് നടത്തിയ കത്തികൊണ്ടുള്ള ആക്രമണത്തില് മൂന്ന് നാഷണല് കോണ്ഫറന്സ് പ്രവര്ത്തകര്ക്ക് പരുക്കേറ്റു.
നാഷണല് കോണ്ഫറന്സ് തലവന് ഫാറൂഖ് അബ്ദുള്ളയും അനന്ത്നാഗിലെ പാര്ട്ടി സ്ഥാനാര്ത്ഥി മിയാന് അല്താഫ് രജൗരിയും പൊതുയോഗത്തില് സംസാരിക്കുന്നതിനിടെയാണ് സംഭവം.
പരുക്കേറ്റവരെ ഉടന് മെന്ദറിലെ ജില്ലാ ആശുപത്രിയില് പ്രവേശിപ്പിച്ചു. രണ്ട് പേരുടെ നില ഗുരുതരമായതിനാല് രജൗരിയിലെ സര്ക്കാര് മെഡിക്കല് കോളേജിലേക്ക് റഫര് ചെയ്തു. മുന് നാഷണല് കോണ്ഫറന്സ് എംഎല്എ ജാവേദ് റാണ സംഭവത്തെ സുരക്ഷയിലെ വലിയ വീഴ്ചയാണെന്ന് ആരോപിച്ചു.അക്രമികളെ പിടികൂടണമെന്നും അവര്ക്കെതിരെ നടപടിയെടുക്കണമെന്നും റാണ ആവശ്യപ്പെട്ടു.
Monday, January 20, 2025