തിരുവനന്തപുരം: പ്രധാനമന്ത്രി നരേന്ദ്ര മോദി ഇന്ന് കന്യാകുമാരിയിലെ വിവേകാനന്ദപ്പാറയില് ധ്യാനം ഇരിക്കാന് എത്തും. പ്രധാനമന്ത്രിയുടെ വരവിനെ തുടര്ന്ന് കന്യാകുമാരി ജില്ലയില് കനത്ത സുരക്ഷയാണ് ഏര്പ്പെടുത്തിയിരിക്കുന്നത്. വിവേകാനന്ദ പാറയിലേക്കുള്ള സന്ദര്ശകരുടെ യാത്രയ്ക്ക് നിയന്ത്രണം ഏര്പ്പെടുത്തി. ഇന്ന് വൈകിട്ട് മൂന്നരയോടെയാണ് തിരുവനന്തപുരം വിമാനത്താവളത്തില് പ്രധാനമന്ത്രി എത്തുക. തുടര്ന്ന് ഹെലികോപ്ടറില് കന്യാകുമാരിയിലെത്തും. കന്യാകുമാരി ഗസ്റ്റ് ഹൗസില് ഉള്പ്പെടെ കനത്ത സുരക്ഷയാണ് ഒരുക്കിയിട്ടുള്ളത്. ഹെലികോപ്ടറിന്റെ ട്രയല് റണ്ണും നടത്തി. 2000ത്തിലധികം പൊലീസുകാരെയാണ് സുരക്ഷ്ക്കായി നിയോഗിച്ചിരിക്കുന്നത്.
ലോക്സഭ തെരഞ്ഞെടുപ്പ് പ്രചാരണത്തിന്റെ അവസാന ദിവസമാണ് കന്യാകുമാരിയില് ധ്യാനമിരിക്കാന് മോദി എത്തുന്നത്. ഇന്ന് വൈകിട്ട് മുതല് ജൂണ് ഒന്നിന് വൈകിട്ട് വരെയാണ് മോദി വിവേകാനന്ദപ്പാറയില് ധ്യാനമിരിക്കുക.
Wednesday, January 22, 2025