തിരുവനന്തപുരം: കോണ്ക്രീറ്റ് സ്ലാബ് പൊട്ടി കുഴിയില് വീണ് വയോധികന് മരിച്ചു. തിരുവനന്തപുരം മുക്കോലയ്ക്കല് ഷിജു ഭവനില് സോമന് (63) ആണ് മരിച്ചത്. തിരുവനന്തപുരം ആര്യനാട് കുളപ്പടയില് ഇന്നലെ ഉച്ചയ്ക്കുശേഷമാണ് സംഭവം. നടന്നുപോകുന്നതിനിടെ തോടിന് കുറുകെയായി സ്ഥാപിച്ചിട്ടുള്ള കോണ്ക്രീറ്റ് സ്ലാബ് പൊട്ടി വീഴുകയായിരുന്നു. സ്ലാബ് തകര്ന്നതോടെ സോമനും കുഴിയില് വീണു. സോമന്റെ ശരീരത്തിന് മുകളിലേക്കും തകര്ന്ന സ്ലാബ് വീണു. പൊട്ടിയ സ്ലാബിനും കുഴിയ്ക്കും ഇടയിലായി കുടുങ്ങി. സ്ലാബിന്റെ ഭാഗങ്ങള് വീണ് തലയ്ക്കും മറ്റു ഭാഗങ്ങളിലും ഗുരുതരമായി പരുക്കേറ്റാണ് മരണം. പൊലീസും നാട്ടുകാരുമെത്തി സ്ലാബ് നീക്കിയശേഷം സോമനെ പുറത്തെടുത്തെങ്കിലും രക്ഷിക്കാനായില്ല. റബ്ബര് ടാപ്പിംഗിന് പോയശേഷം തിരികെ വീട്ടിലേക്ക് പോകുന്ന വഴിയിലാണ് അപകടമുണ്ടായത്.
Wednesday, January 22, 2025