ബെയ്ജിങ്: തവാങ് സംഘര്ഷത്തിന് പിന്നാലെ പ്രതികരണവുമായി ചൈന. ഇന്ത്യന് അതിര്ത്തിയില് സ്ഥിതി സുസ്ഥിരമാണെന്ന് വിദേശകാര്യ മന്ത്രാലയ വക്താവ് വാങ് വെന്ബിന് പറഞ്ഞു.വാര്ത്താ ഏജന്സിയായ എഎപിയാണ് ഇക്കാര്യം റിപ്പോര്ട്ട് ചെയ്തത്. കിഴക്കന് ലഡാക്കില് ഇരുപക്ഷവും തമ്മില് 30 മാസത്തിലേറെയായി തര്ക്കം തുടരുകയാണ്. ഇതിനിടെയാണ് തവാങ് സെക്ടറിലെ യഥാര്ത്ഥ നിയന്ത്രണരേഖയില് ഏറ്റുമുട്ടല് നടന്നത്.’ചൈന-ഇന്ത്യ അതിര്ത്തിയിലെ സ്ഥിതി മൊത്തത്തില് സുസ്ഥിരമാണ്. നയതന്ത്ര, സൈനിക മാര്ഗങ്ങളിലൂടെ അതിര്ത്തി പ്രശ്നത്തില് ഇരുപക്ഷവും തടസമില്ലാത്ത സംഭാഷണം നടത്തി,’ വാങ് വെന്ബിന് വ്യക്തമാക്കി. ഡിസംബര് ഒന്പതിനാണ് അരുണാചല് പ്രദേശിലെ തവാങ് സെക്ടറില് ഇന്ത്യ-ചൈന സൈനികര് ഏറ്റുമുട്ടിയത്. ഇതിന് ശേഷമുള്ള ചൈനയുടെ ആദ്യ പ്രതികരണമാണിത്.
തവാങ് സെക്ടറിലെ യഥാര്ത്ഥ നിയന്ത്രണരേഖയിലാണ് ഇന്ത്യ ചൈന സൈനികര്ക്ക് ഇടയില് സംഘര്ഷം ഉണ്ടായത്. ഇക്കാര്യം ഇന്ത്യന് സൈന്യം സ്ഥിരീകച്ചിരുന്നു. ആറ് ഇന്ത്യന് സൈനികര്ക്ക് പരിക്കേറ്റതായും ഇവരെ ഗുവാഹത്തിയിലെ ആശുപത്രിയിലേക്ക് മാറ്റിയതായും പ്രതിരോധമന്ത്രി രാജ്നാഥ് സിംഗ് അറിയിച്ചിരുന്നു. സൈനികരുടെ ആരുടേയും പരിക്ക് ഗുരുതരമല്ലെന്നും അദ്ദേഹം വ്യക്തമാക്കി.
Wednesday, January 22, 2025