തമിഴ്നാട് മന്ത്രി സെന്തില്‍ ബാലാജി റിമാന്‍ഡില്‍

Kerala

. നെഞ്ചുവേദനയെ തുടര്‍ന്ന് ബാലാജി ചികിത്സയില്‍

ചെന്നൈ: ഇഡി അറസ്റ്റു ചെയ്ത തമിഴ്നാട് മന്ത്രി സെന്തില്‍ ബാലാജിയെ ഈ മാസം 28 വരെ റിമാന്‍ഡ് ചെയ്തു.സെന്തില്‍ ബാലാജി ചികിത്സയിലായതിനാല്‍ ആശുപത്രിയിലെത്തിയാണ് ജുഡീഷ്യല്‍ മജിസ്ടേറ്റ് നടപടികള്‍ പൂര്‍ത്തിയാക്കിയത്.അതേസമയം,ബാലാജിയുടെ ഭാര്യ നല്‍കിയ ഹേബിയസ് കോര്‍പ്പസ് ഹര്‍ജി കേള്‍ക്കുന്നതില്‍ നിന്ന് ജഡ്ജി പിന്മാറി. മദ്രാസ് ഹൈക്കോടതി ജഡ്ജി ആര്‍. ശക്തിവെല്‍ ആണ് കേസ് കേള്‍ക്കുന്നതില്‍ നിന്ന് പിന്മാറിയത്. അതിനിടെ, ബാലാജിയുടെ പി.എ ഗോപാല്‍ രാജിന്‍റെ വീട് ആദായ നികുതി വകുപ്പ് സീല്‍ ചെയ്തു.
ജയലളിത സര്‍ക്കാറില്‍ മന്ത്രിയായിരിക്കെ ജോലി വാഗ്ദാനം ചെയ്തു പണം തട്ടിയെന്ന കേസിലാണ് തമിഴ്നാട് വൈദ്യുതി, എക്സൈസ് മന്ത്രി വി. സെന്തില്‍ ബാലാജിയെ ഇഡി അറസ്റ്റുചെയ്തത്. തമിഴ്നാട് സെക്രട്ടറിയറ്റില്‍ ഇഡി നടത്തിയ പരിശോധനയ്ക്ക് പിന്നാലെയാണ് മന്ത്രിയുടെ അറസ്റ്റ്.
ഇഡിയുടെ നടപടിക്ക് പിന്നാലെ നെഞ്ചുവേദന അനുഭവപ്പെട്ട ബാലാജിയെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. അദ്ദേഹത്തിന് അടിയന്തിര ശസ്ത്രക്രിയ ആവശ്യമാണെന്ന് ആശുപത്രി മെഡിക്കല്‍ ബുള്ളറ്റിനില്‍ അറിയിച്ചു. മുഖ്യമന്ത്രി എം കെ സ്റ്റാലിന്‍ മന്ത്രിയെ ആശുപത്രിയിലെത്തി സന്ദര്‍ശിച്ചിരുന്നു.

Leave a Reply

Your email address will not be published. Required fields are marked *