ന്യൂഡല്ഹി: അതിശൈത്യത്തില് വിറങ്ങലിച്ച് ഉത്തരേന്ത്യന് സംസ്ഥാനങ്ങള്. ഒരാഴ്ചക്കിടെ കൊടുംതണുപ്പില് മരിച്ചവരുടെ എണ്ണം 98 ആയി.1.9 ഡിഗ്രി സെല്ഷ്യസാണ് ഡല്ഹിയില് ഇന്ന് രേഖപ്പെടുത്തിയ കുറഞ്ഞ താപനില. യു.പി കാണ്പൂരില് രക്തസമ്മര്ദം വര്ധിച്ചും രക്തം കട്ടപിടിച്ചും ഇന്നലെ മാത്രം 14 പേര് മരിച്ചു. 44 പേര് ചികിത്സയിലിരിക്കെയും 54 പേര് ആശുപത്രിയില് എത്തും മുമ്പെയുമാണ് മരിച്ചത്. 333 പേര് ചികിത്സ തേടി. വിറ്റാമന് സി അടങ്ങിയ പഴങ്ങളും പച്ചക്കറികളും കഴിക്കാനും ചെറുചൂടുള്ള പാനീയങ്ങള് കുടിക്കാനും ആരോഗ്യ വിദഗ്ധര് നിര്ദേശം നല്കിയിട്ടുണ്ട്.
ഉത്തരേന്ത്യന് സംസ്ഥാനങ്ങളില് രണ്ട് ദിവസം കൂടി അതി ശൈത്യവും ശക്തമായ മൂടല് മഞ്ഞും തുടരുമെന്നാണ് കാലാവസ്ഥനിരീക്ഷണ കേന്ദ്രത്തിന്റെ മുന്നറിയിപ്പ്. കാഴ്ചപരിധി കുറഞ്ഞതോടെ 50 ഓളം ട്രെയിനുകളും 30 ഓളം വിമാനങ്ങളും വൈകി. കൂടാതെ യു.പി, പഞ്ചാബ്, ഹരിയാന സംസ്ഥാനങ്ങളിലെ വിദ്യാലയങ്ങള് ശൈത്യകാല അവധി നീട്ടിയിട്ടുണ്ട്.
Wednesday, January 22, 2025