വടകര:വടകര റെയില്വേ സ്റ്റേഷനില് നടത്തിയ പരിശോധനയില് അഞ്ചുകിലോ കഞ്ചാവ് പിടികൂടി. ആര്.പി.എഫും പാലക്കാട് ആര്.പി.എഫ് ക്രൈം ഇന്റലിജന്സ് ബ്രാഞ്ചും വടകര എക്സ്സൈസ് സര്ക്കിളും ചേര്ന്ന് നടത്തിയ പരിശോധനയിലാണ് കഞ്ചാവ് പിടികൂടിയത്. ഇന്നലെ രാവിലെ വടകര സ്റ്റേഷനില് എത്തിച്ചേര്ന്ന ചെന്നൈ മംഗ്ലൂര് സൂപ്പര് ഫാസ്റ്റ് ട്രെയിനിന്റെ ജനറല് കമ്പാര്ട്ട്മെന്റില് നിന്നും ഉപേക്ഷിക്കപ്പെട്ട നിലയില് കഞ്ചാവ് കണ്ടെത്തുകയായിരുന്നു.
ബാഗിനുള്ളില് തുണികള്ക്കിടയില് ഒളിപ്പിച്ചനിലയിലായിരുന്നു കഞ്ചാവ്. പരിശോധന ഭയന്ന് പ്രതി ബാഗ് ഉപേക്ഷിച്ചു കടന്നുകളഞ്ഞതായി സംശയിക്കുന്നു. ട്രെയിന് വഴി കഞ്ചാവ്കടത്തു തടയുന്നതിനായി പരിശോധനകള് കൂടുതല് ശക്തമായി തുടരുമെന്ന് ആര്.പി.എഫ്, എക്സ്സൈസ് വൃത്തങ്ങള് അറിയിച്ചു.