ജയ്പൂര് : ടീമിന് ഫോര്മാറ്റില് ശരിയായ മാതൃക ലഭിക്കേണ്ടതുണ്ടെന്ന് രോഹിത് ശര്മ്മ . മറ്റേതെങ്കിലും ടീമിന്റെ ഫോര്മുല പിന്തുടരുന്നതിനുപകരം ഇന്ത്യ സ്വന്തം ടെംപ്ലേറ്റ് രൂപീകരിക്കേണ്ടതുണ്ടെന്നും അദ്ദേഹം കൂട്ടിച്ചേര്ത്തു.ഇന്ന് ന്യൂസിലന്ഡിനെതിരായ ആദ്യ ടി20ക്ക് മുന്നോടിയായുള്ള മത്സരത്തിന് മുമ്പുള്ള വാര്ത്താ സമ്മേളനത്തില് ശര്മ്മയും മുഖ്യ പരിശീലകന് രാഹുല് ദ്രാവിഡും സംസാരിച്ചു.കോഹിലി ഒരു ‘ഇംപാക്ട് പ്ലെയര്’ ആണെന്ന് രോഹിത് ശര്മ്മ പറഞ്ഞു. അദ്ദേഹം ഇതുവരെ ടീമിനായി ചെയ്തുകൊണ്ടിരിക്കുന്നത്, അദ്ദേഹത്തിന്റെ പങ്ക് അതേപടി നിലനില്ക്കും. ടീമിന് അദ്ദേഹം വളരെ പ്രധാനപ്പെട്ട കളിക്കാരനാണ്. കളിക്കുമ്ബോഴെല്ലാം ഒരു മതിപ്പ് സൃഷ്ടിക്കുന്ന ഒരു ഇംപാക്റ്റ് പ്ലെയറാണ് അദ്ദേഹം.
ടീമിന്റെ കാഴ്ചപ്പാടില് പ്രധാനപ്പെട്ട കളിക്കാരന്.എല്ലാവര്ക്കും വ്യത്യസ്തമായ റോള് ഉണ്ടാകും, അത് ആദ്യം ബാറ്റ് ചെയ്യുന്നതോ ആദ്യം ബൗളിംഗ് ചെയ്യുന്നതോ ആകട്ടെ, ടീമിലെ റോളുകള് വ്യത്യസ്തമായിരിക്കും.അതിന്റെ അടിസ്ഥാനത്തില് റോളുകള് മാറിക്കൊണ്ടിരിക്കും. രോഹിത് പറഞ്ഞു ഇന്ന് സവായ് മാന് സിംഗ് സ്റ്റേഡിയത്തില് ന്യൂസിലന്ഡിനെതിരായ മൂന്ന് ടി 20 കളില് ആദ്യത്തെ മത്സരം ഇന്ന് നടക്കും. ഇന്ന് ഇന്ത്യന് സമയം രാത്രി 7:30ന് ആരംഭിക്കും.
വേള്ഡ് കപ്പിലെ തോല്വികള്ക്ക് ശേഷം ആണ് രണ്ട് ടീമുകളും എത്തുന്നത്. ഫൈനലില് ഓസ്ട്രേലിയയോട് തോറ്റതിന് ശേഷം ആണ് ന്യൂസിലന്ഡ് ഇന്ത്യക്കെതിരെ മത്സരിക്കാന് എത്തുന്നത്. ഓസ്ട്രേലിയയില് നടക്കുന്ന ഐസിസി ടി20 ലോകകപ്പിന്റെ അടുത്ത പതിപ്പിന് പതിനൊന്ന് മാസം മാത്രം ശേഷിക്കെ, പുതിയ ക്യാപ്റ്റന് രോഹിത് ശര്മ്മയ്ക്കും മുഖ്യ പരിശീലകന് രാഹുല് ദ്രാവിഡിനും വലിയ ജോലികള് ആണ് ഉള്ളത്.
