കോഴിക്കോട് : ജില്ലയിലെ വിവിധ കോടതികളിലെ ജീവനക്കാരുടെ മക്കള്ക്കായി കോഴിക്കോട് ജുഡീഷ്യല് എംപ്ലോയീസ് കോ- ഓപ്പറേറ്റീവ് സൊസൈറ്റി ഏര്പ്പെടുത്തിയ അഞ്ചാമത് വിദ്യാഭ്യാസ അവാര്ഡുകള് വിതരണം ചെയ്തു.ജില്ലാ ജഡ്ജി സി.പ്രദീപ് കുമാര് ഉദ്ഘാടനം ചെയ്തു. ജീവനക്കാരുടെ മക്കളില് പ്ലസ് ടു പരീക്ഷയില് ഉയര്ന്നമാര്ക്ക് നേടിയ രണ്ടു വിദ്യാര്ത്ഥികള്ക്ക് സ്വര്ണ്ണമെഡലും ഉപഹാരങ്ങളും പ്ലസ് ടു പരീക്ഷയില് 90 ശതമാനത്തിലധികം മാര്ക്ക് നേടി വിജയിച്ച 20 വിദ്യാര്ത്ഥികള്ക്ക് ക്യാഷ് അവാര്ഡും മെമന്റോയും അദ്ദേഹം വിതരണംചെയ്തു.എസ്.എസ്.എല്. സി പരീക്ഷയില് എല്ലാ വിഷയങ്ങള്ക്കും എ പ്ലസ് നേടി വിജയിച്ച 35 വിദ്യാര്ത്ഥികള്ക്ക് ചീഫ് ജുഡീഷ്യല് മജിസ്ട്രേറ്റ് വി.ജി.ബിജു ക്യാഷ് അവാര്ഡും മെമന്റോയും വിതരണം ചെയ്തു.
സൊസൈറ്റി പ്രസിഡന്റ് എം.ദിനേഷ് കുമാര് അധ്യക്ഷത വഹിച്ചു.ജില്ലാ കോടതി സീനിയര് സൂപ്രണ്ട് ഇ.അനില്രാജ്,ജെ.എഫ്. സി.എം ജൂനിയര് സൂപ്രണ്ട് സി.സതീഷ് കുമാര് എന്നിവര് സംസാരിച്ചു. പ്ലസ്ടു പരീക്ഷയില് ഉന്നതവിജയം നേടിയ വിദ്യാര്ത്ഥികളുടെ രക്ഷിതാക്കളെയും ഉപഹാരങ്ങള് നല്കി ആദരിച്ചു.വിദ്യാര്ത്ഥികളെ പ്രതിനിധീകരിച്ച് നന്ദഗോപന് മറുപടി പറഞ്ഞു.സൊസൈറ്റി സെക്രട്ടറി കെ.കെ.വിനോദ്കുമാര് സ്വാഗതവും ഡയറക്ടര് കെ.ഷാജികുമാര് നന്ദിയും പറഞ്ഞു.