കോല്ക്കത്ത: ഇന്ത്യന് പ്രീമിയര് ലീഗില് ഏറ്റവും കൂടുതല് വിക്കറ്റുകള് നേടുന്ന താരമായി രാജസ്ഥാന് റോയല്സിന്റെ യശ്വേന്ദ്ര ചഹല്.കോല്ക്കത്ത നൈറ്റ്റൈഡേഴ്സിനെതിരായ മത്സരത്തില് നിതീഷ് റാണയെ പുറത്താക്കിയ ചഹല് ഡ്വെയ്ന് ബ്രാവോയുടെ റിക്കാര്ഡ് മറികടന്നു.
കോല്ക്കത്ത ക്യാപ്റ്റനെ വീഴ്ത്തിയ ചഹലിന്റെ വിക്കറ്റ് നേട്ടം 184 ആയി. 144 മത്സരങ്ങളില്നിന്നാണ് രാജസ്ഥാന് സ്പിന്നര് റിക്കാര്ഡ് സ്വന്തമാക്കിയത്. ബ്രാവോ 161 മത്സരങ്ങളില് നിന്നാണ് 183 വിക്കറ്റെടുത്തത്.പിയൂഷ് ചൗള (174), അമിത് മിശ്ര (172), രവിചന്ദ്രന് അശ്വിന് (171) എന്നിവരാണ് മൂന്ന് മുതല് അഞ്ചുവരെയുള്ള സ്ഥാനങ്ങളില്.
