തിരുവനന്തപുരം:നിയുക്ത മന്ത്രി ഗണേഷ് കുമാറിന് സിനിമാ വകുപ്പ് കൂടി ആവശ്യപ്പെട്ട് കേരള കോണ്ഗ്രസ് ബി. സംസ്ഥാന മന്ത്രിസഭ മുഖംമിനിക്കുമ്പോള് പുതിയ മന്ത്രിമാരുടെ വകുപ്പുകള് ഏറെക്കുറെ ഉറപ്പായി കഴിഞ്ഞു. വകുപ്പുകള് സത്യപ്രതിജ്ഞക്ക് ശേഷം മുഖ്യമന്ത്രി തീരുമാനിക്കും എന്നാണ് അറിയിച്ചിരിക്കുന്നത്. എന്നാല് ഗണേഷ് കുമാറിന് ഗതാഗതവും കടന്നപ്പള്ളി രാമചന്ദ്രന് തുറമുഖ വകുപ്പും ലഭിക്കും എന്നാണ് സൂചന.
രണ്ടാം പിണറായി സര്ക്കാര് അധികാരത്തിലേറിയപ്പോള് തന്നെ ഉറപ്പിച്ചതാണ് രണ്ടര വര്ഷത്തിനു ശേഷമുള്ള പുനഃസംഘടന. ആന്റണി രാജു ഒഴിയുന്ന ഗതാഗത വകുപ്പ് ഗണേഷ് കുമാറിന് ലഭിക്കും. അഹമ്മദ് ദേവര്ക്കോവില് ഒഴിയുന്ന തുറമുഖ വകുപ്പാകും കടന്നപ്പള്ളി രാമചന്ദ്രന് ലഭിക്കുക.
