ബെംഗളൂരൂ: ഇന്ത്യയുടെ ആദ്യത്തെ മനുഷ്യ ബഹിരാകാശ യാത്രാ ദൗത്യമായ ഗഗന്‍യാന്‍റെ നിര്‍ണായക പരീക്ഷണം ഈ മാസം 21ന്. മനുഷ്യനെ അയക്കുന്നതിന് മുന്നോടിയായി ഗഗന്‍യാന്‍റെ ആദ്യ പരീക്ഷണ ദൗത്യത്തിന്‍റെ വിക്ഷേപണം ഒക്ടോബര്‍ 21-ന് നടത്തുമെന്ന് കേന്ദ്രമന്ത്രി ജിതേന്ദ്ര സിംഗ് അറിയിച്ചു.ശ്രീഹരിക്കോട്ടയിലെ സതീഷ് ധവാന്‍ സ്പേസ് സെന്‍ററില്‍ പരീക്ഷണ വാഹനത്തിന്‍റെ വിക്ഷേപണം നടക്കും.ടെസ്റ്റ് വെഹിക്കിള്‍ ഡെവലപ്മെന്‍റ് ഫ്ളൈറ്റ് (ടിവി-ഡി1) എന്ന വിക്ഷേപണ വാഹനമാണ് വിക്ഷേപിക്കുക. ദൗത്യത്തിന്‍റെ ക്രൂ മൊഡ്യൂള്‍ പരിശോധിക്കുന്നതിനായാണ് പരീക്ഷണം നടക്കുന്നത്. പരീക്ഷണ മൊഡ്യൂളിനെ ബഹിരാകാശത്തേക്ക് വിക്ഷേപിക്കുകയും സുരക്ഷിതമായി ഭൂമിയിലേക്ക് തിരികെ എത്തിക്കുകയും ചെയ്യും. ഈ മൊഡ്യൂള്‍ നാവികസേന വീണ്ടെടുക്കുകയും ചെയ്യും.കൂടാതെ, ബഹിരാകാശത്തേക്ക് കയറുമ്പോള്‍ പേടകത്തിന് പ്രശ്നമുണ്ടായാല്‍ ജീവനക്കാരെ ഭൂമിയിലേക്ക് തിരികെ കൊണ്ടുവരുന്നതിനുളള ക്രൂ എസ്കേപ്പ് സംവിധാനവും ടിവി-ഡി 1 പരീക്ഷിക്കും.
Sunday, February 16, 2025