തിരുവനന്തപുരം :സാമൂഹ്യ സുരക്ഷാ പെന്ഷനും ക്ഷേമനിധി പെന്ഷനും രണ്ടു ഗഡു കൂടെ അനുവദിച്ച് ധനവകുപ്പ്. അനുവദിച്ച തുക ചൊവ്വാഴ്ച മുതല് വിതരണം ചെയ്യും. 3200 രുപ വീതമാകും ലഭിക്കുക.
കഴിഞ്ഞ മാസവും ഒരു ഗഡു ലഭിച്ചിരുന്നു. ഇതോടെ വിഷു, റംസാന് ആഘോഷക്കാലത്ത് 4800 രൂപ വീതം ലഭിക്കും. സഹകരണ സംഘങ്ങള് വഴി നേരിട്ട് വീട്ടിലും ബാങ്ക് അക്കൗണ്ട് നമ്പര് നല്കിയിട്ടുള്ളവര്ക്ക് അക്കൗണ്ട് വഴിയുമാണ് പെന്ഷന് എത്തിക്കുക.
സംസ്ഥാനത്ത് 62 ലക്ഷം ക്ഷേമ പെന്ഷന് ഗുണഭോക്താക്കളാണുള്ളത്. മസ്റ്ററിങ് നടത്തിയ മുഴുവന് പേര്ക്കും തുക ലഭിക്കും. 6.88 ലക്ഷം പേരുടെ കേന്ദ്ര സര്ക്കാര് വിഹിതവും സംസ്ഥാനത്തെ ധനവകുപ്പ് അനുവദിച്ചിട്ടുണ്ട്.
Thursday, January 23, 2025