കോയമ്പത്തൂര്‍ നഗരത്തെ വിറപ്പിച്ച് കാട്ടാനയുടെ പരാക്രമം

ചെന്നൈ: കോയമ്പത്തൂര്‍ നഗരത്തെ വിറപ്പിച്ച് കാട്ടാനയുടെ പരാക്രമം. ഇന്നലെ രാവിലെയാണ് കോയമ്പത്തൂര്‍ പേരൂര്‍ ഭാഗത്ത് കാട്ടാന എത്തിയത്.ആനക്കട്ടിയില്‍ നിന്നാണ് ആന എത്തിയത്. തുടക്കത്തില്‍ ശാന്തനായിരുന്ന ആന പിന്നീടാണ് പ്രകോപിതനായത്.പേരൂരില്‍ നിന്നു ശിരുവാണി ഭാഗത്തേക്ക് പോകുന്നതിനിടെയാണ് ആന ആക്രമണം തുടങ്ങിയത്. വനം വകുപ്പ് ജീവനക്കാര്‍ എത്തി ആനയെ തിരികെ കാട്ടിലേക്ക് കയറ്റാന്‍ ശ്രമം തുടരുന്നിടെ ആന ഓടി. ഓട്ടത്തിനിടെ ആന ഒരാളെ ആക്രമിച്ചു. സമീപത്തെ കട തകര്‍ത്തു മതിലിനു അപ്പുറത്തു നില്‍ക്കുകയായിരുന്ന ആള്‍ക്ക് നേരെയായിരുന്നു ആക്രമണം. ഇയാളെ ആന തൂക്കിയെടുത്തെറിഞ്ഞു. തലനാരിഴയ്ക്ക് നിസാര പരിക്കോടെ ഇയാള്‍ രക്ഷപ്പെട്ടു.