കോണ്‍ഗ്രസ് ദേശീയ അദ്ധ്യക്ഷ സ്ഥാനത്തേക്ക് മത്സരിക്കാന്‍ ദിഗ് വിജയ സിംഗ്

Latest News

ന്യൂഡല്‍ഹി : കോണ്‍ഗ്രസ് ദേശീയ അദ്ധ്യക്ഷസ്ഥാനത്തേക്ക് മത്സരിക്കുമെന്ന് സൂചന നല്‍കി മുന്‍മുഖ്യമന്ത്രിയും മുതിര്‍ന്ന നേതാവുമായ ദിഗ് വിജയ സിംഗ്.തിരഞ്ഞെടുപ്പില്‍ ആര്‍ക്ക് വേണമെങ്കിലും മത്സരിക്കാമെന്നും തനിക്കും യോഗ്യതയുണ്ടെന്നും ദിഗ് വിജയ സിംഗ് പറഞ്ഞു. നാമ നിര്‍ദ്ദേശപത്രിക സമര്‍പ്പിക്കാനുള്ള അവസാന തീയതിയായ മുപ്പതാം തീയതി വരെ കാത്തിരിക്കാനും അദ്ദേഹം എന്‍,ഡി,ടി.വിക്ക് നല്‍കിയ അഭിമുഖത്തില്‍ പറഞ്ഞു. ദേശീയ അദ്ധ്യക്ഷനായി തിരഞ്ഞെടുത്താല്‍ ഗെലോട്ടിന് രാജസ്ഥാന്‍ മുഖ്യമന്ത്രി സ്ഥാനം ഒഴിയേണ്ടി വരുമെന്നും അദ്ദേഹം ചൂണ്ടിക്കാട്ടി.അദ്ധ്യക്ഷ സ്ഥാനത്തേക്ക് രാജസ്ഥാന്‍ മുഖ്യമന്ത്രി അശോക് ഗെലോട്ടും തിരുവനന്തപുരം എം.പി ശശി തരൂരും മത്സരിക്കുമെന്ന റിപ്പോര്‍ട്ടുകള്‍ നേരത്തെ പുറത്തുവന്നിരുന്നു. മത്സരിക്കാന്‍ ഗാന്ധി കുടുംബത്തില്‍ നിന്നാരുമില്ലെന്നത് ആശങ്കപ്പെടേണ്ട കാര്യമല്ല. ആര്‍ക്ക് വേണമെങ്കിലും മത്സരിക്കാം. ആര്‍ക്കെങ്കിലുംമത്സരിക്കാന്‍ താത്പര്യമില്ലെങ്കില്‍ അവരെ സമ്മര്‍ദ്ദം ചെലുത്തി മത്സരിപ്പിക്കാനാകില്ല. പ്രസിഡന്‍റ് ആയില്ലെങ്കില്‍ല്‍ രാഹുല്‍ ഗാന്ധി പുതിയ കോണ്‍ഗ്രസ് അദ്ധ്യക്ഷന്‍ നല്‍കുന്ന ചുമതല ഏതായാലും അത് വഹിക്കുമെന്ന് സിംഗ് പറഞ്ഞു. കന്യാകുമാരി മുതല്‍ കാശ്മീര്‍ വരെ നടക്കുന്ന 119 യാത്രികരില്‍ ഒരാള്‍ മാത്രമാണ് രാഹുല്‍ ഗാന്ധി എന്നും അദ്ദേഹം പറഞ്ഞു.

Leave a Reply

Your email address will not be published. Required fields are marked *