. ജില്ലാ കലക്ടര് ഉള്പ്പെടെയുള്ളവര് ഇന്ന് നേരിട്ട് ഹാജരാകണം
. ബ്രഹ്മപുരം മാലിന്യപ്ലാന്റ് തീപിടിത്തം സ്വാഭാവികമോ മനുഷ്യനിര്മ്മിതമോ എന്ന് ഹൈക്കോടതി
കൊച്ചി: ബ്രഹ്മപുരം മാലിന്യശേഖരണ പ്ലാന്റ് തീപിടിത്തത്തില് അധികൃതര്ക്കെതിരെ രൂക്ഷവിമര്ശനവുമായി ഹൈക്കോടതി. കൊച്ചിയിലെ മാലിന്യ സംസ്കരണ വിഷയത്തില് ഇന്ന് വിശദമായ റിപ്പോര്ട്ട് നല്കണമെന്ന് കോടതി ഉത്തരവിട്ടു. സംസ്ഥാന സര്ക്കാരും കൊച്ചി കോര്പ്പറേഷനും മലിനീകരണ നിയന്ത്രണ ബോര്ഡുമാണ് റിപ്പോര്ട്ട് നല്കേണ്ടത്. ജില്ലാ കലക്ടറും മലിനീകരണ നിയന്ത്രണബോര്ഡ് ചെയര്മാനും കോര്പ്പറേഷന് സെക്രട്ടറിയും ഇന്ന് ഹൈക്കോടതിയില് നേരിട്ട് ഹാജരാകണം.
ബ്രഹ്മപുരം മാലിന്യ പ്ലാന്റ് തീപിടിത്തത്തില് സ്വമേധയാ എടുത്ത കേസ് പരിഗണിക്കുകയായിരുന്നു ഡിവിഷന് ബെഞ്ച്. തിങ്കളാഴ്ച ജസ്റ്റിസ് ദേവന് രാമചന്ദ്രന് സമര്പ്പിച്ച കത്തിന്റെ അടിസ്ഥാനത്തിലാണ് ഹൈക്കോടതി സ്വമേധയാ കേസെടുത്തത്.അതിനിടെ തീപിടിത്തം അന്വേഷിക്കാന് ഉന്നതതല സമിതിക്ക് രൂപം നല്കിയതായി സര്ക്കാര് കോടതിയെ അറിയിച്ചു.
കുറ്റക്കാരായ ഉദ്യോഗസ്ഥര് ശിക്ഷിക്കപ്പെടണമെന്നും ഉത്തരവാദിത്തം നിറവേറ്റുന്നതില് മലിനീകരണ നിയന്ത്രണ ബോര്ഡ് പരാജയപ്പെട്ടതായും ഹൈക്കോടതി കുറ്റപ്പെടുത്തി. ബ്രഹ്മപുരം മാലിന്യ സംസ്കരണ പ്ലാന്റില് ഉണ്ടായ തീപിടിത്തം സ്വാഭാവികമോ മനുഷ്യനിര്മിതമോയെന്ന് ഹൈക്കോടതി ചോദിച്ചു. നഗരത്തില് വ്യാപകമായാണ് മാലിന്യം വലിച്ചെറിയുന്നത്. ഇത് തടയാന് എന്തു നടപടിയാണ് കൊച്ചി കോര്പ്പറേഷന് സ്വീകരിച്ചതെന്നും കോടതി ആരാഞ്ഞു. അലക്ഷ്യമായി മാലിന്യം വലിച്ചെറിയുന്നത് തടയുന്നതിന് നഗരത്തിന്റെ വിവിധ ഭാഗങ്ങളില് സിസിടിവി ക്യാമറകള് സ്ഥാപിച്ചതായി കോര്പ്പറേഷന് അറിയിച്ചു.വാദത്തിനിടെ കൊച്ചി കോര്പ്പറേഷനെതിരെ മലിനീകരണ നിയന്ത്രണ ബോര്ഡ് രംഗത്തുവന്നു. മാലിന്യപ്രശ്നവുമായി ബന്ധപ്പെട്ട് 2016 മുതല് നോട്ടീസ് നല്കിയിട്ടും വേണ്ടത് കോര്പ്പറേഷന് ചെയ്തില്ലെന്ന് മലിനീകരണ നിയന്ത്രണബോര്ഡ് കുറ്റപ്പെടുത്തി. പരസ്പരം പഴിചാരലല്ല, പരിഹാരമാണ് വേണ്ടതെന്ന് കോടതി ഓര്മ്മിപ്പിച്ചു.മാലിന്യപ്രശ്നം അനന്തമായി നീട്ടി കൊണ്ടുപോകാന് ആവില്ലെന്ന് കോടതി വ്യക്തമാക്ക
