കൊച്ചി: അധ്യാപകന്റെ കൈവെട്ടിമാറ്റിയ കേസിലെ മുഖ്യ ആസൂത്രകനും ഒന്നാം പ്രതിയുമായ സവാദിനെ പ്രൊഫ. ടി.ജെ. ജോസഫ് തിരിച്ചറിഞ്ഞു. എറണാകുളം സബ് ജയിലില് നടത്തിയ തിരിച്ചറിയല് പരേഡിലാണ് ഒന്നാം പ്രതി സവാദിനെ പ്രൊഫ. ടി.ജെ ജോസഫ് തിരിച്ചറിഞ്ഞത്.ആക്രമണത്തിന് ശേഷം ഒളിവില് പോയ സവാദിനെ കഴിഞ്ഞ ആഴ്ച കണ്ണൂരില് നിന്ന് എന്.ഐ.എ അറസ്റ്റ് ചെയ്തിരുന്നു.
13 വര്ഷമായി ഒളിവിലായിരുന്ന സവാദിനെ കണ്ണൂര് മട്ടന്നൂരില് നിന്നാണ് അറസ്റ്റ് ചെയ്തത്. മട്ടന്നൂരില് ഷാജഹാന് എന്ന പേരില് ഒളിവില് താമസിച്ച് ആശാരിപ്പണി ചെയ്ത് വരുന്നതിനിടയിലാണ് സവാദ് പിടിയിലായത്. എന്.ഐ.എയ്ക്ക് ലഭിച്ച രഹസ്യവിവരത്തെ തുടര്ന്ന് വീട് വളഞ്ഞ് പിടികൂടുകയായിരുന്നു. കൊച്ചി എന്ഐഎ ആസ്ഥാനത്തെത്തിച്ച പ്രതിയെ വിശദമായി ചോദ്യം ചെയ്ത് വരികയാണ്.
2010 ജൂലൈ 4 ന് തൊടുപുഴ ന്യുമാന്സ് കോളേജിലെ മലയാലം അധ്യാപകനായ പ്രൊഫ. ടി.ജെ.ജോസഫിന്റെ കൈവെട്ടിമാറ്റിയത്. സംഭവത്തിന് പിറകെ കൈവെട്ടാന് ഉപയോഗിച്ച മഴു അടക്കമുള്ള ആയുധവുമായി സവാദ് ഒളിവില് പോകുകയിരുന്നു.
Thursday, January 23, 2025